壞機

2006.12.18

第 220 次飛行

今日又做兩日夾埋4 站的日本機, 月頭先做完, 所以再做都冇乜感覺...

今早CHECK 過, 發現轉左 aircraft type...忽然間, 好驚公司又 pull out 我...

臨出門口前, 忽然收到公司的電話, 而媽媽又唔小心聽左...話我唔係度, 仲問對方搵我做乜事...原來唔係crew control 打黎, 係 team office 打黎...關於contract 事宜...隔了一陣, 我再打電話番公司, 決定了約見時間...當然越早越好啦!

番到公司, 醒起classmates patpat 仲係公司番office, 當然要聚一聚吧!

之後我就踏上兩日4 程的日本機...

service 完全冇問題, 大部分都係日本人係台灣再transit 去日本....係例牌派極 blankets 都未派完...

直到我做duty free 時, 出事了....

第一程去台灣, 得1 小時14分鐘, 做完 service, 已經冇乜時間...一向都做開duty free 的我, 已經好快手, 但如果部機唔聽話, 我幾快手都冇用...今次就係部機出事, 話說那位乘客想俾台幣, 但點知我部機只係出到港幣同埋美金, 一係就碌卡...我reset 左幾次, 部機都係咁既死款...但個客死都唔肯碌卡, 佢話因為有 service charge 喎, 但100 蚊美金我又冇得找俾佢喎! 佢俾散紙美金, 又唔夠俾...如果仲欠一蚊, 我都諗住算, 但佢欠成5 蚊...就唔係好得囉! 之後我發覺佢有pounds, 我就立即自己計個currency, 而餘數就俾美金...不過係張單上面, 要改番少少銀碼囉! 忽然間, 覺得壓力大左, 加上老總又成日要我行duty free...on ground 又要行, before service 最好又行一轉,做完 service, 佢話搵同事take over 我做collection, 再叫我行n 轉...做BD ( bar duty) 我先會行咁多轉, 但好似今次又要做service, 又要賣bar, 真係從未試過行咁多轉囉! 真係行到我頭暈暈... 好笑既係, 每行一轉..又真係有人要order...好不容易, 終於搞掂, 煩係煩在要同所有買duty free 的客人解釋只可以收港幣, 美金或者碌卞囉!

除了賣bar 外, 仲要做PA (public announcement), 本來唔係我做, 今次做廣東話PA係男同事H, 而做國語PA 就係女同事D...點知女同事做的國語 PA 唔係好掂, 我真係好唔明點解老總唔播帶...Anyway, 連我阿姐都頂唔順女同事 D 的PA...最後去到台灣...我說我可以幫手做PA, 不過我唔識做國語PA, 最後私底下, 我地轉...男同事H做國語PA, 我就做廣東話PA...其實我本身幾鍾意做PA, 好似唱solo 咁...哈哈!  不過係怕要做埋duty free, 冇時間做pa 者...不過同事D 都算係咁, 有時見我忙, 都會幫我做descent announcement...不過同事d...平時佢講野把聲係ok 的, 但佢的PA....真係難聽左d d...感覺上...好怪呀! 後來佢話原來佢fail 左一次PA test, 要 retest, 之後國語的pa grade就變左 high...仲話公司係唔係都俾high grade 俾人地, 係因為而家好少人有 high 的 國語PA...真係有點同情佢...我淨係見到佢對住本書仔讀, 都覺得佢好辛苦囉....
另外, 係台北load meal 的時候, caterer 唔小心load 左隔離去 seoul 的餐俾我地, 當時door 4 的門已經close 左, 隔左一陣, 佢地冇啦啦knock 番門, 好彩發現得早...唔係都幾大鑊....

終於到達福岡.....一向係呢度, 我地都係分兩架車去酒店, captain 同老總遲左出黎, 所以就算我地到左, 都要等成15 分鐘左右, 佢地先到, captain 一見到我地, 就"扮" surprise, 同埋講埋一d 我笑唔出的笑話, 話:"why don't u guy take the allowance first and go shopping?" 當時我心諗, 如果我地真係咁做, 睇下你點........

有時真係唔明, 點解我飛親的機, 都好似有咁多不尋常的事情發生....