由孟買行去香港

2006.12.10

第 218 次飛行

wake up 同 pick up call, delay 完一次又一次, 最後終於可以順順利利咁上機...

第一程孟買到曼谷, 因為係morning flight, 大部分乘客都訓左, 加上又唔係 full load, 其實都幾易做...但見到d 客訓覺, 搞到自己都好想訓... 其實老總俾左 45 分鐘 rest period 俾我地, 但45 分鐘真係抖得唔多, 所以我寧願與同事們傾下計度過了 4 小時的飛行時間...

第二程, 曼谷到香港...大部分印度人都唔駛落機, 因為佢地差唔多全部都係去到香港, 再轉貴公司的航機去san fran, LA, 連去 auckland都有...完全想像唔到係auckland 見到印度人是怎樣的.... 結果係曼谷, 接埋係曼谷上機的餘下70 位客人, 全機爆滿咁番香港... 呢一程我覺得係繼shuttle 最難捱的一程, 雖然只係得兩個幾小時的飛行時間, 但就係crew 最眼訓的時間...派派下tray, 真係有種想放棄的感覺....但還是要做下去...

終於終於, 係下午的3 時 45分, 回到香港...一連5 日的 bombay flight 就這樣結束...老實講, 我覺得呢5 日真係好漫長.... 全程冇停過...同事m 講得o岩, 我地對腳累到死, 係因為我地由孟買行去香港麻!

落左機, 見咁難得可以同 classmates 一齊飛, 所以點都要影下相留念! 同事們仲笑我地係唔係 last day 添! 哈哈!  連係機場工作的職員經過的時候, 都搞笑地整下 v 的手勢, 駁有得上鏡, 哈哈!

番到屋企, 睇番自己d 相, 唔知係唔係冇心機化妝, 定係捱夜, 定係真係殘左, 定係真係老左的關係, 我覺得自己個樣真係好唔掂, 所以回家後, 立即要急救!

黎緊會有一連4 日的假期, 真係要好好休息一下了..