丟架

2006.12.16

第 219 次飛行

今日兩程都係辛苦, 但都要做下去......

因為兩程機都會同兩set 不同的crew 工作, 所以搞到我自己都有點亂....

上到機, 老總assign 我的new position, 本來我的阿姐係同我同一個pattern 的日本人, 但點知紫姐話另外一位差姐昨日整傷左手, 同埋back...所以可能做野會慢d, 呢個時候, 架姐好好人, 話同差姐swap position, 最後差姐就做左我阿姐啦! 之後我地番去自己的工作崗位, 呢個時候, 紫姐就同我講小心d 差姐, 因為昨日紫姐同佢一齊做野時, 佢好懶, 樣樣野都懶懶閒, 好似唔想做咁, 之後又話自己整親...等等...所以叫我地唔好expect 差姐會做野喎....我再諗起一陣個班 full load 機, 真係唔知點算好...

做service, 差姐比我想像中好...但d 客就唔係好掂....首先一上機, 勁大聲講野, 成個cabin 好似街市咁..d 鬼佬都搖哂頭....臨landing 時, 仲大鑊, 機都未停所有mainland 都起哂身, 拎行李...搞到全組機員都要離開座位, 叫佢地坐番好哂...忽然, 我的感覺係...d 動物失控, 要開槍控制場面... 最肉酸係哄動到, 頭等的客人都轉哂頭去後面望....坐係我前面那3 位外國人係度笑...唉, 真係丟哂中國人的架!

終於送走哂佢地...是時候醫下個肚, 係機場叫左個海南雞飯食...紫姐同我一齊食, 問我頭先差姐的表現點...其實我覺得佢ok, 不過同事們都覺得佢成日都唔笑囉! 我o岩o岩個程做中間的galley, 但後面的同事只係同佢做左一程, 都問我個差姐有冇乜野問題...有一位同事仲話佢未升的時候, 都係成日話自己整親呢度個度, 要轉position...我都有理由相信...點解? 因為跟住個sector, 差姐係咁搶住要做經濟客艙....

番去個程, 撞見本來同我同一班ind 的同學a, 那年佢就好彩, sign contract 個日, 問邊個可以早d 番工, 個個都有舉手, 但得佢同另一個女仔有得早成幾班training, 我呢? 後來俾sars 延遲左半年囉! 最後我與同學a 的人工有好大的出入囉! 淨係咁, 已經夠哂慘...... 算唔想再提....

本來我可以去 upper deck 做架! 因為紫姐勁想我跟佢...點知個紅姐, 同紫姐同一國籍, 係都話要去 1 st class 做, 最後紫姐都冇辦法, 同我講sorry, 其實唔緊要啦! 我做乜野位都ok 既...最後我被派去最後的galley 工作...仲好, 2 man cart, 唔會做死我....

又係一班 mainland, 但呢一班好過之前個班啦....做完 service, 竟然仲有成個半鐘剩...真係好呢!

終於番到香港, 本來可以早d 番屋企, 但點知客人落機的時候, 有位女乘客飲醉左, 我地要等有人接手, 先可以離開.....

今晚最估唔到爸爸黎接機, 真係有點意外.... 上到巴士, 靠在爸爸的肩膀上休息一下....

呢個時候, 不禁又要說一聲: 呢個世上我最愛的男人, 就係我爸爸!