Upper deck

2006.12.15

第 219 次飛行

昨晚, 完全訓唔著, 最後只係訓左一個鐘, 凌晨4 點半要起身番工!

可能放左4 日假, 所以又未致於咁眼訓...

今次我被安排去 upper deck 工作, 諗番轉頭, 我諗我應該有成年半冇係 upper deck 做過, 對於一切, 真係有點陌生... 不過又覺得自己好好彩, 因為今日要同個top 10 飛, 做upper deck, 佢好少會上黎, 我同阿姐都覺得好慶幸...呵!  不過呢位老總, 比起我第一次同佢飛的時候, 已經好了很多了, 所以係我心目中, 其實已經離開左top 10 啦!

去到airbridge 時, 上一班機的crew 都仲未落機, 原來佢地係 frankfurt 番黎, 真係開心啊! 等了一會兒先上到機, 但都冇用, 乜都做唔到, 因為 caterer 仲未load 哂d 野, cleaner 又未清潔完 cabin...等左好耐, 終於等到有報紙load 上黎, 咁我就落樓下拎少少泰國newspaper, 上 upper deck set 下啦! 點知我set 完, 有個cpcs 阿哥話我拎左 first class的newspaper, 要我拎番俾佢地, 佢仲話, 佢已經load 左d 報紙上 upper deck, 咁我睇下佢load 左d 乜野俾我, 一睇...乜野泰國報紙都冇...仲要d 報紙比我想像中更少! 話哂一陣都係 full load...upper deck 話哂都係 business class 麻! 最後我偷阿哥唔為意, 收埋幾份thai newspaper...但最期發覺真係唔夠報紙, 要死死氣氣去番樓下拎...下面的korean 同事都話: " 你頭先唔係已經一早拎左咩?" 我只好解釋一下點解我會搞成咁, 最後korean 同事好好人, 佢話我可以隨便拎...真係 thank you ....
最後, upper deck 有20 位客人...算係咁啦! 唔full...keke...起碼賺左一程先...
所有客人都係好的, 係有個女人應該係 我地公司的 business class lounge 拎左好多雜誌, 上到機, 我每次行經過, 佢都要一份報紙...有時我心諗, 點解你唔一次過叫我拎喎! 望住佢個堆報紙同雜誌, 兩個鐘點睇得哂呢? 呢個時候, 忽然令我想起貴人...記得那天, 你同呢個女人都冇乜分別, 唯一的分別, 就係你自己收埋哂d 雜誌係個suitcase 內囉!
雖然d 客係好, 但都係有事發生, 係發生係自己身上囉! 做完 service, 紫姐忽然係我後面尖叫, 話點解我背脊有血.....o下? 有血? 但我完全唔覺得痛喎! 一番研究後, 應該係咖啡積..., 搞到我去washroom 勁洗...公司FA kit 內的soap 真係幾有用... 不過最衰係冇風筒, 搞到件衫濕左, 我仲要著係身上...死頂...
一早做完 service, 就落左去樓下, 打算幫手做下duty free, 今次做duty free係一個好top 的人, 之前都聽過同事講過有人拎住平時d fans 去支持偶像的閃燈banner上機賣 duty free, 今次終於有機會見到啦! 佢拎住個banner 寫住 duty free 免稅,  一著燈, 藍粒著哂...真係好搶眼呢! 不過我就唔敢做啦! 好似好肉酸咁, 佢著banner 那一刻, 我真係忍唔住笑..不過不得不佩服佢!
就係咁, 兩個幾鐘的飛行時間完結了...終於黎到曼谷, 只有六位crew 同兩位cockpit 落機, 其餘的同事繼續去 新加坡, 本身我地去左曼谷都已經 delay 左, 我都唔知幾想去到酒店...但點知captain 唔滿意冇ground staff 帶我地去 immigration, 其實一直都冇ground staff 帶路架啦! 阿姐個d 都同佢講話我識路, 可以帶佢地出機場.. 老實講, 我真係冇諗到曼谷新機場開左一段時間, 今次呢set 同事只得我一個識出去... 最後都係冇ground staff 帶路, 呢度已經哂左成15 分鐘時間..真係激死我...(一早都話我識行...)  阿姐最後叫我帶路...我說: " 我邊敢行先呀????" 一班阿姐好好人, especially 那兩位紫姐, 佢地話:" 我地同你一齊行米得囉!" 真係謝謝你們!
終於到酒店....係各阿姐揀哂房, 剩番個一間, 竟然係最正既! 呵呵!

我個紫姐話好想明天兩個sector 都同我一齊同一個galley 做野...但因為明天兩個sector 都遇到不同的crew, 所以睇怕都好難啦! 不過我好多謝你讚我...因為我真係好耐冇係j-class 做過!