星之碎片

2006.12.21

第 222 次飛行

今日又一班即日來回, 即係 turnaround...比昨天更長, 長達 13小時20 分鐘...

 

這種飛行時間, 大慨已經可以去到LA 了...

但今程機必定比昨日那程機來得輕鬆...因為這班機是加班機...機上全部都係香港旅行團..同埋就算佢地有d 人係坐business class, 我地的aervice 都係跟番economy class 的service... 加上我今日做個好位, 係busness class, 好開心, 對住那44 位客人, 但只需要用economy class 的service 去做, 真係好輕鬆.... 連紫姐都話如果business class 成日都可以咁做就好囉!  我地serve完成個business class 的客人, 後面economy class 的同事都仲未開始 service 呢! 可想而知, 我地有幾輕鬆呢!

唯一不滿既就係...d 香港男人竟然要我幫佢地將d baggage 放係overhead locker 上面!

一到左札幌, 最後一個香港乘客落左機, 我地就歡呼! 點解? 因為 (1) 我地可以係 transit 的時間去機場買野, (2) 回程係一位客人都冇! 即係唔駛做! 原機番香港...成6 個鐘都唔駛做野喎! 你地話開心唔開心先?

transit, 我地上番 departure hall, 點知店舖已經收哂機, 準備落閘, 職員見到我地都好驚訝... 好彩我地今次有日本同事, 先知原來佢地係關5 點...但我地睇一睇鐘, 仲有5 分鐘先5 點, 而位manager 都好識做, 打個電話開番哂d 機, 做埋我地生意...最後, 我地都可以滿載而歸!  

回程, 我拎哂d 報紙, 雜誌慢慢睇, 之後就食crew meal dinner, 再訓個覺...間唔中, 悶悶地, 就望下出面的夜空, 發覺平時一邊工作, 一邊錯過了那麼美麗的星空, 滿天都是星星, 好大粒...好靚!!!  有時仲見到遠處的飛機呢! 想不到天空的交通都是那麼繁忙的.....

訓左兩個鐘頭, 一起身, 第一句就係有同事問我入唔入cockpit 睇landing...當時我仲未訓醒...但第一句就答左"好啊"! 其實今日我好想睇take off 多過landing, 因為做左咁耐, 一次take off 都未睇過, 而上機時, 我都同老總打探過睇唔睇得, 不過佢話今日係機師的 training flight, 所以我諗應該冇機會啦! 點知而家captain 又邀請兩位同事入去睇喎! 好開心自己係幸運的其中一位...

一行入去, 坐係正中的位置, captain 介紹右面係中國, 遠處就是香港, 當航機一步一步向前飛, 開始連清水灣道, IFC, 香港仔, 赤柱都見到, 又同時看見其他航機, 又看到滿天星星, 當然唔少得海上的漁船燈光啦!
忽然想起呢首歌來....

我聽見我們坐飛毯　去找星之碎片
而我們能遇見　令天空更閃
我聽見有人唱聖詩　聲音表演我知
世上誰是我　神秘的天使
帶著期待在地下鐵外逗留在出口
懷疑誰正在盼望我帶她出走

等你　多久　潮濕的快感　來自你雙手
陪你　蒙上眼睛看盡大世界
聞到你生命如無限大
隨呼吸風中舞擺　伴我在逛街
跟你　蒙上眼睛看夢幻世界
肉眼怎可了解　幸福找不到邊界
誰擔心給你拐帶

我信你也能看見的　給撫摸的氣息
我若存在過　誰理深淺色
帶著期待在地下鐵每日尋覓出口
懷疑下個站有人扶著我出走

情為何物哪用看真理
陪你　蒙上眼睛看盡大世界
聞到你生命如無限大
慾望在風中舞擺　伴我在逛街
跟你　蒙上眼睛看夢幻世界
肉眼怎可了解　幸福找不到邊界
誰擔心給你拐帶

終於番到香港啦! 雖然泊係 gate 71, 但因為已休息了6 個鐘頭, 所以今次唔洗一邊捱腳痛, 一邊行出機場了...
一落機, 第一時間梗係開電話啦! 收到個 voice msg...起初仲擔心你記唔記得番黎搵我...但原來你的voice msg 係提得仲記唔記明天的約會...孤菇當然記得啦!
上了巴士, 收到你的來電...你的第一句....令我知道你不是特登講出黎tum 我開心既, 而係真係你好想立即黎見我....雖然最後我地都決定等多陣, 明天先見..(其實當時已經差唔多凌晨 12 時了..) 但你的說話, 已經令我心滿意足, 暫時將不安送走...
回到家, 我都唔記得自己講左幾多句"好開心", 好開心呀", "佢咁講講講xxx", "我開心死啦", " 我等呢日等左好耐啦!", 連我媽媽都頂我唔順...

快d快d 到聽日啦! 我真係好開心啊!