人都癲 (下)

2006.12.07

第 218 次飛行

講下客, 不如講下同事..有時真係...唉....做service, 有個客話order 左asian veg meal, 咁其實serve 佢indian veg 都可以, 阿姐都係咁話, 於是我同個客解釋左一輪, 佢終於肯take 個indian veg, 點知冇啦啦我partner 同我講, 個客要 asian veg 喎! 咁我話: "俾左佢啦!" 我partner 話:"個客要睇下裡面係點喎!" 於是我去搵番個客, 見唔到佢個tray, 原來我partner 幫個客收左...真係激死我, 個一刻, 真係想鬧人..但又要死忍, 拎番個tray, 開個 main course 俾個客睇, 事件先完結...但事後我都有同我partner 講, 其實開一開俾佢睇下就得架啦! 唉! 之後做 collection, 唔單止激死左我, 連隔離 aisle 的同事m 都激死埋...我同同事m, 一人一個cart 收哂d tray, 我地兩個仲要好 teamwork 咁by hand 收左5-6 行tray...即係大慨50-60 個 tray..之後我番去check 下我partner 搞成點, 我去到打開佢個 cart 睇, 佢仲有成兩大行空著未有tray 放入去...同事m 一早已經問我佢係唔係做得好慢...起初我都冇出聲, 講真, 上次同佢飛過, 都知道乜野事啦...但今次, 真係冇辦法...再吐下苦水...我收左成兩個cart tray, 佢一個cart 的tray都未收完, 會唔會真係慢左d 呢?

最後個件事, 令我有d 不快...因為我partner, 我好遲先敢去做duty free, 有個indian 男人要睇兩隻錶, 一隻要$1300, 一隻要 $700, 佢話佢一定會買, 但未知買邊隻, 我俾佢睇完之後, 又hardsell 下 $1300 個隻, 佢話要諗5-10 mins, 呢個時候, 我就做其他 order, 做完, 差唔多 descent, 佢話買 $1300 個隻, 我scan 左items, 收左錢, 又找埋錢, 點知佢忽然捉住我隻手再拼一拼兩隻錶, 呢個時候, 我阿姐行經過..佢問阿姐覺得邊隻好, 我已經同阿姐打哂眼色, 叫佢指貴個隻, 點知佢指左平個隻, 於是個男人轉軑要買另一隻...當時真係差唔多 cabin crew, pls be seated, 我話我close 左啦! 冇得refund, 個男人開始鬧我啦! 佢鬧乜我已經唔記得...總之我俾佢纏到甩唔到身, 後來阿姐見到, 幫我教訓個男人, 個男人係嬲, 但冇法, 連阿姐都企係我個邊...indian 最慶話i will see ur manager, 唉, 我由得佢up...我同阿姐講唔好意思, 佢話唔關我事...仲話其實我地肯賣俾佢已經好好了...

航機降落之後, bombay 呢個機場又好衰, 偏偏又要開 door 5 落客, 因為我怕再見到那個客, 所以同事們係咁遮住我....而我就係佢地後面, 慢慢品嘗我越來越愛的indian veg meal...哈哈!

落左機, 係咁同classmates 吐下苦水, 仲話自己對d 客都幾惡, 佢話:"唔係呀, 我見到你都有對住d 客笑笑口..." 哈哈! 去個程就係咁, 但回程, 我都唔記得自己有冇笑啦!

我覺得做呢d 機, 真係唔可以用平時做其他機的態度對佢地, 因為越好對佢地, 佢地只會越多要求, 所以對住佢地, 同佢地傾計, 談判的時候, 一定要 firm...如果唔係, 只會俾自己越來越多麻煩咋!

做完班 shuttle, 番到酒店, 已經早上6 時了....雙腳, 好似跛左咁..