一個連接一個的驚喜

2006.12.06

第218 次飛行

孤菇今日開始一星期的第一日stand by...心中有數公司一定會call 我, 但都係個句, 唔知自己會去邊囉! 昨晚仲同lowbay 估會唔會 台北 turn, or 馬尼拉turn, 等等...不過都係得個想字....

今日未到stand by 開始個一刻我都唔起, check 過電腦, 見到要 acknowledge 喎! 我見仲有幾分鐘, 死都唔 ac 住, 等等等, 等到 11 點 stand by 開始, 果然有電話黎...一聽...好似開獎咁...對方今次好 nice 喎! 連佢自己個名都講埋俾我聽, 之後話我知我做乜野 flight number, 幾點briefing time...幾號番到香港等等...之後我就 同佢double check 一下個時間, 就收線...之後計過冇得坐的士喎! 但由於一去就係5 日, 我連行李都未執, 衫都未著, 加上我屋企去巴士站又要上橋落橋, 自己拎住個suitcase上上落落, 完全做唔到囉! 結果媽媽說, 不如坐的士, 時間鬆動d, 我又唔洗咁趕, 因為媽媽都知孤菇一趕的時候, 成個人係十分 lost!

雖然公司 call 我個班機, 好多同事都唔鍾意做, 但佢call 我呢班, 我反而幾開心, 起碼唔洗日日係屋企等電話, 仲有呢班機, 會賣好多 duty free...

番到公司, sign in 完, 再去抄今程機的同事名字...另一個驚喜發生, 就係我classmates call stand by 都係呢班機喎! 哈哈! 昨日我check 佢roster, 知道佢今日同我一齊同一時間 stand by, 但就冇諗到一齊 call stand by 去同一班機囉! 立即打個電話俾佢... 其實呢位classmates, 可以叫係我的flying partner 架! 隔左咁耐, 又有得一齊飛, 好開心啊!

我地一齊入 briefing room, 再等埋其他同事入黎, 有好幾個我都飛過, 但當同事c 入黎的時候, 我打左個突, 因為佢就係 10 月頭同我飛過同一班機, 但就係3 個懶同事之中的其中一個囉! 我心諗, 如果佢做我partner, 就屎囉!  結果 assign position 時....同事c 真係同我拍....我只好接受現實... 呢個都算係我另一個驚喜囉!  唯一安慰自己就係, 佢係個次個班機 3 個之中比較好的一個...
仲未講公司call 我做乜野機添...就係 5 日 bombay!!!! 10 月先做完, 12 月先做...多謝哂囉! 不過好唔明點解今日咁多人port 左呢班機, 我個級有6 個port左，阿姐級就有兩個port 左...
上到機, 開工啦! 同事c 比我想像中好了點...不過好多時都係我講, 佢先識做...anyway, 呢個唔係一個問題既...又唔係第一次..哈哈! 我抱住don't expect too much 的心態做...我會做得開心d!
感覺上, 今次呢班 bombay 好過上次做個班, 上次我好記得, 我連賣duty free 的時間都冇, 但今次真係好多了, 我起碼仲有時候係 cabin 行一轉囉! 不過有樣野比較麻煩既就係, 佢地好多都俾cash, 但我就冇多 美金找俾佢地囉! 最後, 我自己仲要俾埋自己的港幣找俾佢地...慘...第2 個sector, 個個都要我找...我真係好老實咁同佢地講, 太多人要我找錢, 我所有散紙都找左俾你地啦! 一係俾卡, 一係唔該俾 exact amount of cash...thank you...有時我真係唔想做到咁, 但係飛行時間咁短, 係飛機上, 又冇得唱錢...我自己都好難做... 不過好多indian 都好合作, 真係好多謝你地!
做到第2 程...我身邊開始有d 怨氣....首先就係, 唔知係我地前面4 位同事做得快, 定係後面兩個做得慢, 我地兩程機都做到上door 4...其實我地去到 door 4 時, 後面做番上黎的同事, 仲要有兩行先去到door 4 囉! 不過我份人都幾現實...做到上door 4, 我都好老實同阿姐話 i finish...我唔介意幫對方做埋, 但如果要我程程都係咁, 我覺得對方有d take 我地的 advantage 囉! 後來連對面aisle 的同事都sense 到, 其中一位女同事做collection 時, 寧願黎同我2 man 一齊collection, 都唔肯幫後面手...哈哈!

另外, 第一程我做drink, 我partner (同事c) 係做tray 既, 所以第2 程, 我打算自己做tray, 我partner 就做drink 啦! 其實對空服黎講, 做tray 係辛苦過做drink...因為又要上上落落咁...條腰會好累...咁一人一次, 我覺得好正常, 點知第2 程臨做service 前, 阿姐竟然要我做drink, 叫我partner 做tray 喎! 我問佢點解, 佢冇答我...之後仲問我地係唔係已經一早決定左邊個做tray 同埋 drink...咁我就只好說, 因為我上一程做左drink, 所以今次我應該做tray 啦...最後阿姐就由得我地....其實阿姐忽然咁講, 加埋佢打左個眼色, 我自己都覺得怪怪地...完全唔知道發生乜野事...到做完 service, 有一段時間, 得我同阿姐係galley 度, 當時我by hand 收 tray, 拎番入galley 放番d tray 入個cart 度...忽然阿姐走埋黎同我講點解佢叫我partner 做tray, 我做drink...原來阿姐發覺同事c 個樣好累, 所以打算佢做tray, 咁我就解釋...因為自己上一程做了 drink, 加上tray 應該係辛苦d, 我先做tray 咋...阿姐話唔緊要, 不過佢話頭先我問佢點解時, 佢唔可以當住同事c 面前咁講喎! 不過阿姐真係有所不知, 我上次同 同事c 飛, 佢程程機都係咁既樣....但.....我冇理由又咁樣同阿姐咁講麻! 哈哈!  anyway, 總之問題唔係我度, 就得啦...

d 人又係唔臨landing, 都唔買duty free 既, 結果我service 後, 收到第一個order後, 一直做到落機...數目當然係可觀... hehe, 又一個驚喜!

航機到左bombay, 個肚打鼓, 呢個時候, 我先發覺, 我今日除左stand by 前食左個飽外, 一直都未食野...臨離開飛機前, 食左個indian vegetarian meal...哈哈! 我發覺自己越來越鍾意食呢個meal!   

一出機場, 勁多著哂白衫的人, 真係有點嚇親我地...同埋架 crew bus 唔見左囉! d 差姐係咁鬧個driver...anyway, 最後我地都好順利上到車, 不過中間係咁俾d 小朋友纏住要筆, 我都想俾佢地, 但一諗到個後果, 即係俾完一個, 全部d 小朋友會衝哂出黎, 加上, 我地 crew bus 隔離係成車小朋友的旅遊巴, 我就真係唔敢俾啦! so...sorry about that....見到佢地只係想要支筆, 係咁扯住我的手袖, 老實講, 真係有d 心痛...

一路坐車去酒店, 我同classmates 一邊傾近況...兩個女仔, 仲有乜野傾...hehe.. 下年 12 月又有新娘子誕生, 恭喜哂!

幾時到我? (發下夢先...hehe)