羅馬一日遊 IV

2006.12.26

我必去的地方....就係許願池 Fontana di Trevi!!!! 上次擲左一個銀, 我終於回來了, 這次我決定要擲兩個銀....我要蜜運成功! 希望下次有機會同你一齊黎啦.....不過千祈唔好擲 3個...因為會與情人分手喎! 小心小心....

 

之後我地就係附近醫下肚, 上次同classmates 黎食過一次, 覺得好正, 所以今次要再來啊!  我最愛就係杯cappucino...

 

食食下, 同事s 忽然說有個要求...其實一早係意料中事....佢話佢想去梵諦岡(因為佢昨天錯過左..), 叫我帶佢去得唔得, 其實當時真係有點累....最主要係腳累...但既然佢咁想去, 加上我覺得去多次都冇乜所謂....所以最後都係....去左..hehe!

我真係未試過連續兩日都去梵諦岡架! 今日比昨日少人...另外, 今日我地仲去睇埋教宗的墳墓呢!  我是第2 次去睇啊! 下次我再黎的時候, 我一定要上最頂頂望哂成個梵諦岡呢!

今日市面正常番少少, 起碼多番d 巴士先....唔洗用腳行番去坐 shuttle, 可以坐巴士番去shuttle 的站! 仲有時間飲多杯 cappucino, 真係好好飲! 呢兩日飲左成3 杯, 都知對自己心臟唔好, 不過唔理咁多, 豪一次啦!

黎到呢度, 今次的羅馬一日遊就黎到尾聲了...雖然今次去唔到我原先想去的比薩科塔, 但我依然好開心, 覺得好充實, 睇番自己影既相片, 我又忍唔住講左好多次...."好開心啊!"