極端

2006.12.20

第 221 次飛行

今日做左班東京來回...一向呢班機, 都係番黎個程辛苦過去個程, 但今日完全相反...

去同番都有好多香港人, 但兩機香港人的態度都幾極端...

去個程, 好多問題發生...

1. 唔知係唔係我邪住佢地, 做cocktail 的時候, 好多香港人都自己倒瀉飲品, 倒瀉到我都冇哂感覺, 見到佢地倒瀉, 只係識"oh..." 的一聲, 之後自動俾毛巾佢地自己抹, 見到佢地settle down 左, 自己繼續做service....

2. 問d 小朋友飲乜野, 個個都發脾四, 而家d 小朋友, 真係仲惡過爸爸媽媽...睇見就眼冤........

3. 有時我覺得, 淨係一位客人有點煩, 成個flight 已經可以俾佢玩死... 話說我做cocktail service 的時候, 個男人要warm water, 我serve 完佢冇耐, 佢又話要 warm water, 但佢講的時候, 仲俾番頭先個杯 warm water 俾我, 我一睇, 飲左 1/4 都冇....呢個程序我做了好幾次, 真係唔明, 整左俾佢, 飲得個一啖, 又話要新一杯....有一次, 我拎杯 warm water 俾佢, 點知呢個時候, 佢要抱佢個仔去洗手間, 唔小心撞到我...我都未鬧佢差d 撞到杯 warm water 瀉, 佢已經 "gip" 左我一聲啦! 乜野態度呀???!!!  成個flight, 淨係俾呢個男人, 已經搞到我"乙水" "乙水"轉..

4. 有一家人, 明明冇order child meal, 當我地派special meal 時, 佢又唔講自己冇order 到, 後黎食完個child meal, 個家人先同我地講佢地根本冇order 到child meal, 但個meal 係已經食左啦!  之後我地正式派餐...起初我只係聽到阿哥同我講, 但我又唔知係邊個, 後期我serve到個家人時, 見到佢地桌上有 child meal 的飲管, 於是我問一問佢地係唔係已經食左child meal, 點知佢地話佢地係食左, 但其實佢地根本冇order 到, 之後我都好坦白同佢地講, 每一位客人只係得一份餐, (因為好多時都未必有多麻), 我地serve 哂所有客人, 有多既, 先serve 到俾佢地啦...最後, 佢地好彩, 我有多...但變左佢地食左兩個餐囉!

3 小時18 分鐘的機程, 終於送走哂佢地...呢班香港人都算係幾難搞...唔好再俾我見到你地..thanks...

番黎...完全兩回事...都係有好多香港人, 但99% 都係nice 既...小朋友都係好有禮貌... 所以我都做得幾開心... 唯一唔鍾意既, 就係SERVICE 的時候, 我地冇哂chicken rice呢個 choice, 得番fish rice, 但個女人死都要食 chicken rice, 最後只好係 crew meal 拎一個出黎俾個女人...點知我做collection 的時候, 感覺到個tray 仲好重, 好奇心之下, 我開左個main course 睇, 發覺....個女人完全冇食過! 有冇搞錯?

回香港的機程很長, 成5 小時...做完 service, 仲有兩小時傾下計...好不容易, 終於番到香港...

係巴士上那一刻, 真係累死, 還收到一個sms, 睇了5 分鐘, 睇完, 什麼都不想去想, 只想睡..有時....我都唔知自己究竟係逃避緊, 定係唔想再理, 定係唔想再煩...定係有其他原因, 真的不知道....

唯一我知道的, 同埋我關心的, 就係呢排我發覺眼部開始出現明顯的眼紋, 有時我都唔知係自己成日凝住, 定係自己真係殘左, 老左...

偏偏係我最唔掂的時候, 今晚放工, 竟然俾我撞到小米米....嗚...俾人睇到咁肉酸的樣子...唔濟!

今晚....心情好差....想哭.....