與蚊同眠

2007.04.24

第三天

凌晨時分, 我從熟睡中醒了, 訓醒後, 第一種感覺就係塊瞼好痕, 之後去了洗手間, 望到鏡中的自己, 嚇了一跳! 我右邊臉俾蚊針了8 大粒! 仲要粒粒有成5毫字咁大粒! 而且越來越痕, 又紅又腫, 因為我一向都唔惹蚊, 所以冇帶對付蚊的藥膏...當時成半夜4 點半, 我係無辦法之下打電話俾同事c, 然後立即借左支無比滴來塗..同事c 一開門, 都俾我個樣嚇死..

..一路上, 我都覺得奇怪, 點解隻蚊只係針我的右邊臉...回到房, 我望望張床, 驚見有成1 蚊大的蚊訓左係個枕頭的右下角...咁即係呢幾個鐘, 我都一直同隻蚊同眠? 當我想像隻蚊訓緊的時候, 係我右邊臉咬完一下, 再咬一下, 真係覺得好噁心... 

最後我拎起另一個枕頭, 加埋成個人的體重壓落去隻蚊度, 不過我唔敢再打開睇下隻蚊死左未, 只係張兩個枕頭放係隔離床, 再同披蓋著兩個枕頭....

到了中午, 若無其事與同事c 去左海邊一間shopping mall, 拎番店舖同佢留起左的涼鞋, 順便再行一下, 點知出了門口不久, 就覺得好凍, 成身都冇力, 仲想嘔....lunch 的時候, 平時好大食既我... 今日食剩一大半, 什麼胃口都沒有了....因為我地book 左4 點半的士, 所以仲要捱多3 個幾小時...呢3 個幾小時真係好漫長, 最後我選擇坐係鞋舖內, 睇住同事c 一邊揀鞋算了...

終於到了4 點半, 坐的士回酒店, 一直在發冷的我, 見到張床, 立即攤左上去....好明顯, 我發燒了, 立即食左兩粒藥, 就去睡....

期間醒了幾次, 但完全連下床去洗手間的氣力都無, 全身都好軟, 冇哂力....同埋開始想嘔...唔知道係因為自己成日冇胃口食野而想嘔, 定係因為病到想嘔...

當時我只係諗到兩樣野: (1) 好掛住仔仔.... (2) 好想安仔快d黎到檳城, 買野上黎俾我食....

但安仔那班機竟然因為香港紅雨關係delay 左成3 個鐘, 最後差唔多成晚上11 點先收到佢的電話, 再等佢買野俾我食, 已經要等到成凌晨12點半..

另外, 孤菇同仔仔講左自己俾蚊針呢件事, 忽然front desk 打電話俾我, 問我係唔係要換房, 定係 spray 下間房, 我說我沒有要求過喎! 所以我refuse 左...之後仔仔打電話俾我, 話佢arrange 哂d 野俾我, 點解我refuse 哂, 那一刻, 我先知原來仔仔一知我俾蚊針左咁多, 立即打去酒店complain, 前後都冇5 分鐘....front desk 已經有人打上黎話同我轉房, 平時要換房不是那麼易的, 今次的效率實在太快, 原來仔仔將自己個名都講埋俾位manage 聽, 還對我說, 如果有什麼 arrange 得唔好, 說仔仔的名字就可以了....那一刻, 感覺好好笑, 雖然大家都係唔同的地方, 但那一刻我覺得仔仔就好似係我身邊一樣, 有說不出的感動....孤菇又再一次 "估佢唔到"... 係度, 我要再一次多謝仔仔...

最後等埋安仔幫我買的外賣, 就一齊搬我d 行李上10 樓的新房間, 雖然只得幾個鐘, 就要回港了, 但正如仔仔所講, 起碼最後那幾個鐘頭, 我有覺好訓先...另外, 謝謝安仔幫我買外賣同埋搬行李啊!  至衰今次又係前後腳到啦, 唔係就可以一齊去玩啦...

這次與蚊同眠, 令我深深感受到什麼是

愛....

(續)