這4 天，很漫長!

2007.04.25

第 255 次飛行

到了今早, 燒退了, 但輪到肚痾, 同埋依然嘔....我發覺而家次次發完燒, 個肚都會唔舒服, 可能d 菌又入左肚啦...唉....今早我早左成半個鐘就去左lobby 集合, 因為我唔想再對住個洗手間....同埋好想快d離開呢度...

想不到, 沒有來檳城只係年半的時間, 今次一來, 就發生那麼不愉快的經歷...這個地方, 我不愛...

上了機, 阿姐問有冇同事肚痾,原來另外有兩位同事食錯野, 搞到今早肚痾....佢地個樣, 完全係我昨天的翻版...

而我自己...起初都還可以, 但不敢食咁多野, 怕一食又痾....回程又 full load, 好不容易先完成整個service, 阿姐好好人, 又爽, 知我地辛苦, cut 左好多service...最正就係一做完 service, 連2 nd tea/ coffee 都唔去, 就去做 collection...

不過回程的時候, 又再一次令我覺得馬來西亞機比新加坡機更難應付...

我個zone, 還遇到一位id 客 (即係自己職員係工作以外的時間坐我地公司的機) complain 我partner, 我partner只係如實對那位id 客說今天沒有choice 者, 但id 客就complain 我partner 講得唔好...仲當住d 客大大聲咁教佢下次應該點講, 事後仲走左上去前面搵老總講添....我心諗, 大家都係同事黎者, 駛唔駛咁呀?! 後來聽位阿姐講, 佢應該係老總黎, 同埋佢都唔鍾意呢位id 客, 因為佢係好麻煩的....這些自己人俾hard time 俾番自己人, 我覺得好討厭!

終於回到香港了! 這4 天實在太漫長, 好似做左個long flight 咁!

(完)