Love Seat

2007.04.09

同仔仔出街, 每一次總會有點驚喜...

今次因為仔仔有好多野要做, 所以我地出去食個飯, 就要回去...本來不是去下面呢間dinner 既, 但仔仔唔記得係屋企拎番張卡片, 於是我地兩個一邊搭的士, 佢就一邊望下街上面有冇乜野餐廳可以dinner 去...終於搵到下面呢一間, 餐廳的名字我就唔知啦, 只係知好正!

首先有日式湯...

 

鐵板炒雜菜...

 

連飯都做到好有心思...

 

仲有 curry....

 

同埋魚肉搞混左的小食...

 

 

最搞笑就係, 我地一入到餐廳, 仔仔就揀左全餐廳只有一"木台" 的love seat, love seat 係指張椅子都係心心型...加埋周圍的環境, 真係好正!

今晚的晚餐, 吃得很愉快...加埋太后又再次送上靚湯, 仔仔最開心不過...

不過孤菇就心情麻麻, 今日到左曼谷打俾仔仔, 仔仔已經係我的聲音中聽得出我有點唔妥, 問我係唔係飛機上做得唔開心, 我沒有說, 當到了酒店拎左房後, 再打多次俾仔仔, 佢又再問我...最後我說了其中一個小原因...大原因就沒有說...其實有時真係好想講出黎, 但覺得講完出黎, 都唔會有人幫到自己, 加上那件事其實係4年幾前就應該完結, 只是想不到他仍在找自己....唉, 算吧, 我只知道, 係呢一刻, 仔仔的確帶左好多快樂俾我, 同佢食完晚飯後, 我的心情真係好了很多..令我感覺到 "男朋友" 的存在...

呢間餐廳, 我同仔仔一致都覺得可以再 encore 啊!