小孤菇長空中往返: 巴林4 日之旅 (下)

2007.04.14

第 252 次飛行

第四天

回程, 要做兩個sector, 第一個sector 只得45分鐘, 由巴林去沙地阿拉伯的利亞得...大部分都係中國同胞, 但有時都唔知佢地唔識英文點係中東地方生活....

去到利亞得, 就係我地一班空服最眼訓的時候, 係利亞得transit 的時候, 因為當地機場保安的條例, 所有過境前往香港的乘客要留係機上等候, 所以機上都聚集左好多乘客, 好多客都問我係機上食唔食得煙, 當然唔得啦, 之後就問我去 airbridge 食得唔得, 當然又唔得啦....總之我每次係佢地身邊行經過時, 佢地都會問我食唔食得煙, 又成日問埋我partner, 我partner 俾佢地問問下, 開始有d 猶豫, 於是我同d 客講: 'even u ask me this qs a thousand time, my answer is still "no"....', 終於佢地再冇問過我啦....不過係利亞得上機的乘客, 又係問我相同的問題...唉....

同事們說這班回程機通常好多菲律賓人, 所以應該唔難做, 點知上機既, 90% 都係中東人呀~~~! 我都心知不妙...結果好多事都發生了....

首先班機幾乎full load, 最後一位上機的乘客傻傻地既, 要成日機等佢一個上機, 又成日係 cabin 行黎行去, 又成日走黎搵我唔知講乜, 後來知佢成日問我要飲 black label whisky, 因為係利亞得起飛後 45 分鐘都唔准 serve 酒精飲品, 所以當然唔俾得佢飲啦! 做完 service 後, 佢仲係周圍走, 原來佢坐 window seat, 佢行左出去洗手間, 想番埋位時, 出面兩位客人已經訓左, 於是佢去搵另一個位...但有走廊位佢唔揀, 佢係都要揀中間位...同埋呢位客人好鍾意調位, 一時呢度, 一時個度, 搞到我無論係後面galley, 定係前面galley 都見到佢...某程度上, 我與同事一致覺得佢係傻傻地, 所以佢過左45 分鐘再問我拎whisky 飲, 我都用一d 大話騙過了他...終於我忍無可忍佢成日行黎行去騷擾同事, 拉左佢去坐係後面galley 前兩行的走廊位, 隨著呢位客人睡著了, 事件都告一段落....

成程機, 好多人都係洗手間食煙...但同事只係捉到其中一位...事後同仔仔講番, 仔仔問個smoke detector 感應唔到咩? 唉, 10 次有9 次客人係洗手間食煙, 個smoke detactor 都係感應唔到既...同事既鼻感應得仲快過個detector 啦....

唉, 總之搞到個洗手間嗅到死....

做完 service, 仲以為有得安安落落係galley 食下野啦! 點知d 中東中逐group 入黎我地個galley 內鋪哂blankets 脆係地上祈禱...好彩我地的galley 係所有aircraft 之中最大, 一次可以容納9 個人, 一group 祈完禱又到另一group, 最慘係佢地祈禱的時候, 我地唔准係galley 內經過...實在太過分了! 彷彿成個galley 都變成佢地的 mosque!!!

雖然佢地話只係祈禱一分鐘, 但佢地唔明一個人就一分鐘者, 個個都入黎就唔止一分鐘啊! 最後, 我與同事s 只好係佢地換另一group 祈禱前, 入galley 拎哂d 野食坐係crew seat 食, 但好慘囉! 因為我地的 crew seat, 正好對住洗手間...嗚.....雖然個beef curry 係好好食, 但我覺得自己好淒涼....

最後差唔多到第一group 同事rest 完番黎, 佢地先差唔多全部祈哂禱...

另外聽同事說, 有客人覺得暈, 入黎galley 拎藥, 點知阿姐未拎到藥, 個客已經暈左, 仲撞到個頭流血, 事後老總仲要做廣播, 睇下機上有冇醫生可以幫下手...
終於到我休息啦! 真係好累, 好眼訓, 所以crew rest 那個半鐘, 我睡得很甜...

訓左一陣, 做第二個service 我都仲有d 心情做下去....不過班客真係好勁, 做service 時, 有d 問我一次過要兩杯 coffee, 有d 客, 我俾左成5 包 sugar 俾佢地, 都仲話唔夠...最後我都忍唔住講左句: "too sweet is not healthy for u..."