再戰曼谷

2007.04.09 to 10

第 251 次飛行

今次的目的地係曼谷, 不過又係要經一經新加坡, 在一個多月來, 已經做左4 次呢個pattern, 就 黎合埋眼就識做...同時, 有d thai 姐開始認得我呢位bangkok based...我說了原因後, 佢忽然間好似同我o岩key 左...

一上機, 上班機的同事都未走, 我聽到上班機係 463, 立即想起貓生都係那班機上喎, 哈哈! 估唔到會係呢個情況下見到你... 另外, 我仲發覺那班機, 好多同事都記得自己...

落去個兩程, 即係 香港去新加坡同埋新加坡去曼谷, 都只係得一百位乘客, 所以都冇乜特別事發生, 唯一要講既係, 呢個幾月, 做4 次呢班機, 有一件事係新加坡去曼谷呢一程成日發生既, 就係國內同胞同埋阿珠媽成日都當左洗手間內既"召喚機艙服務員" 掣係"沖廁" - "flush" 掣...搞到佢地次次去完洗手間, 我地都要reset 一次...

回程, full load, 雖然我個zone 只得14 位乘客, 但都唔知點解都做得好辛苦, 好多時都想快d serve 哂自己個zone 14位客人就去前面幫手, 但因為我個zone 太多老人家, 次次去drink 時, 佢地都要熱水...搞到我兩個鐘內, 都唔知整左幾多杯熱水俾佢地, 雖然阿姐成日話幫我收野, 但見到佢成日都幫前面個zone, 我就自己一腳踢, 係自己個zone 做埋場show 去...不過咁都好既, 因為自己個zone 得14 位乘客, 其實一個人做並唔難...終於做哂自己場show, 諗住去幫前面啦..點知呢個時候, 我個zone 有個鬼佬要 expresso...吹帳... 同埋有兩位姐姐仔唔要business class 的 dessert - pudding, 而要食雪糕... 搞到我場show encore 完又再 encore, 眼見前面個zone 都好混亂, 但自己又分身不暇...唉...終於臨降落前先有機會去前面收下野咁...

降落的時候, 機長已經講左 "cabin crew, please be seated for landing", 我個zone 一位 jason 小朋友話佢對耳仔好辛苦, 問我拎糖食...搞到所有同事乘客已經坐好哂, 但我仲好似成個癲婆咁周圍走...

終於番到香港, 呢個時候, 個胃又痛, 我先記得今早10 點幾食左野之後, 到降落時8 點都未食過野..立即又去7 仔醫肚....同埋仲諗住快d 番屋企啦, 點知巴士都唔放過我, 過左奧海城少少, 忽然巴士內有一陣"law" 味, 起初我以為只係一陣者, 點知越來越大陣味, 好似燒"loan" 左野咁, 當時我坐第一行, 我向後望, 已經見到另一位空姐落左下層通知司機, 而司機就將架車泊係高速公路最左邊的位置...全車人都落哂車, 落左車都仲聞到陣味...似乎係車尾箱出了問題...之後成車人 ( 仲要係幾full load) 係條橋上面等...等了10 分鐘, 見到有 R22, 我乜都唔理, 跳左上車...我只想快d 番到屋企...

聽日又要飛啦...本來想check in bag 既, 但因為某d 原因, 唔帶得大大suitcase...而家諗緊點執好..唉...