好心煩．要靜心

2007.04.02 to 03

第 249 次飛行

昨晚9 點就上左床訓, 因為第2 天5 點就開始 standby!

4 點半起身, 又見到有 acknowledge, 例牌, 換好衫, 化好妝, 等公司5 點打電話黎, 一邊等, 一邊係度諗會call 我做乜野機...又有諗過會唔會call 我去曼谷呢? 因為前一天我check 過我classmates 會係那班機上, 而我知道我classmates 勁唔鍾意做那班機的, 如果佢port sick, call 我去做就好了...

到左5 點, 公司打俾我, 真係做那班曼谷機...而我classmates 真係port 左..

於是我standby 的最後一班機就係去左曼谷...

那班機上, 有我認識的a 同事, 雖然我地只係飛過一次, 雖然我地已有半年冇見過, 但佢同我依然記得對方, 因為那次同佢飛的奪命888 實在發生太多事了, 加上那次佢係我partner, 又加上佢同我都係天主教徙, 我地仲一齊去教堂...不過最估唔到就係佢仲記得我講過既野...另外, 我要恭喜佢, 因為佢下半年將會離開空服這工作了...轉到big four...雖然人工低d 同埋冇咁多假, 但勝在前景好...因為唔知係佢走之前仲有冇機會見到面, 所以又係交換contact 的時候...係度, 祝佢前程錦繡...順帶一提, 佢係一位好男仔黎架...

講番班機, 其實都冇乜特別, 第一程去新加坡full load...on ground 的時候, 完全冇停過手, 又要報紙, 又要blankets..又要 pillow, 又有客人double sitting...即係兩張 boarding pass 的座位編號係一樣的..又有客同我講佢有糖尿病, 同 ground request 左要block 成行seat...但結果冇 block 到, 咁梗係啦....full load 麻...我只好同佢講, 雖然 ground staff 答應左, 但不能 100 % guarantee, 如果唔係full load, 我絕對樂意幫佢搵多d 空位...但如果full load, 恕我無力為力...而我唯一可以做就係俾多d attention 俾佢...

雖然未起飛就已經咁煩, 但一開波做service 又沒有什麼問題, 其實這班機, 大部分都係外國人...星人比較少, 所以大部分客人都好easy going...同埋我發覺只要俾多d attention 星人, 佢地感受到, 問題自然少了...當然有時都會有例外,我會安慰自己...個d 客好明顯係佢自己有問題..

第二程新加坡去曼谷, 客人的數目一半都冇...後面又係阿豬媽同埋國內同胞的世界..差唔多起飛時, 因為客艙好多吉位, 所以佢地係咁成日彈起身換位....起飛後, 因為有野食, 所以佢地都好乖咁坐係度食...到land 左, 但又未泊到停機坪, 佢地又一個個彈起身拎行李, 而我地空服又再一次要玩扑傻瓜呢個game...呢個game 真係好難玩, 一個未坐低,下一個又彈起... 另外, 做service 時, 同胞們成日問我地呢班空服係唔係同29 號那班機的空服一樣, 同佢講左n 次唔係啦, 佢地仲一口咬定話係...真係吹帳...

終於到左曼谷, 第一時間打俾仔仔, 點知原來佢收唔到我早上send 俾佢standby 被捉去曼谷的sms...因為佢已經plan 好哂今日的行程, 加上佢好多野要做,所以我地最後都見唔到面...唉, 孤菇竟然連一個籃球都比唔上... 可能心情又唔多好, 那一刻有想哭的衝動...後來佢都有打電話俾我, 傾左一陣...唉, 都好過冇啦...不過我又再一次掩飾得好好, 仔仔完全發覺唔到我好唔開心...

一心情唔好, 好多小決定都唔識做, 連叫乜野晚餐食都唔識...要用銀仔做決定...一心情唔好, 什麼事都不順利, 我間房的 tv channel 只係得一個台...其他台全部都唔work...真係攞命... 最後我9 點半就去左訓... 因為第2 天又要4 點半起飛回港去...

回程, 我與另外3位同事要join 另一set crew, 點知另一set crew 因為 rest period 唔夠, 要遲半個鐘先可以開始 duty, 於是我就與3 位同事加兩位機長去機場接係伊斯坦堡來曼谷的同事們...而回程, 我被派去商務客艙工作....幾好, 只得19 位客人, 仲要個service 係short breakfast only...真係簡單到極... 

不過我依然未完全擺脫到上次俾人b 的陰影, 成日係商務客艙做做下野就記番起...搞到自己又精神緊張, 同埋成日都覺得自己好似做極都做得唔好咁...好痛苦...

做哂 service 後, 紫姐要我幫手回答一位男客人係香港邊度可以買到＄1000以下的手飾...孤菇好少行街, 所以真係唔多知...我只可以同佢講邊度大慨有佢想要的野賣...講俾佢聽唔係問題, 問題係要我同佢講國語, 孤菇有個毛病就係講講下國語會講左英文... 好彩佢都識聽下英文, 仲好開心咁同我傾左好耐...我地後期傾傾下, 佢仲問埋我澳門點去, 同埋係澳門有d 乜野特別野可以買黎做手信...我講左鉅記...haha!  仲問我佢stay 兩日半去唔去得切...又問我點坐車出香港島...等等, 傾到降落...可以同一位商務客傾咁耐, 睇怕都係第一次發生...但我覺得自己可以幫到佢, 我好有滿足感...

終於番到香港, 我的 standby 又結束了...將會有3 日假, 係呢個月最長的假期, 我要好好珍惜...

另外, 我終於拎左張機場員工八達通...那個衰人司機, 我下次唔怕你了!

回到家, 與 classmates 艾薯薯and 我好朋友honey chat 左一陣...我真係好心煩...好多野自己好想去脫離, 但又唔捨得放棄某d 野, 有種好似冇左自己的感覺...謝謝你們的開解...honey 講得o岩, 當有日有樣野比那些東西更重要, 我就會自動自覺give up, 另外艾薯薯送左我一句: only can change ourselves to fit for it...

還有, 終於對太后說了, 佢沒有什麼comment, 比我想像中好, 幸好太后是一位開通的人...

不過我依然好心煩, 要靜心..