小孤菇長空中往返: 重遇

2007.04.29 to 30

第 258 次飛行

這班機, 我重遇兩個人....

第一位就是以前同我一齊讀college 的同學, 我記得我綴學的時候, 同事i 對我說佢都會in 空服, 想不到我們3 年半後的今日重遇了, 因為佢剪左頭髮, 加上我認人係比較差的關係, 所以係briefing room 內, 一直都唔認得佢...briefing 完左, 佢問我以前係唔係在某college 讀...之後我就記起了....在這種環境重遇, 真係有點搞笑.

..傾傾下, 先知原來我綴學後, 佢去左隔離公司做, 直到年半前先過黎呢邊做...回想番, 咁就已經3 年幾4 年了, 時間真係過得好好好快!

另一位我重遇的人...就是前一個blog 我說過的阿哥...其實我大慨都估到今次重遇佢會係點...但想不到, 情況比我想像中差...首先要多謝上主咁保佑我, 我最後被編係中間的galley 工作, 而阿哥就編左係後面的galley 工作...真係要 thank GOD!

雖然係咁, 但由於我地兩個都係 economy class 做, 始終遇見的機會比較大..

.可能大家都唔知我同呢位阿哥發生過乜野事, 大家search 番上年9 月25 日那篇blog 就會明白了...

佢一入briefing room, 平時會與同事介紹既佢, 今次就只坐在一角...永遠唔會望過黎我個邊....上到機, 兩日4 程機, 佢都冇望過我, 次次我地相遇時, 佢都會轉頭望向另一邊...take off 同 landing, 佢都坐係我對面, 但佢永遠都係轉向左邊與同事傾計, 而兩日4 程機, 佢一句話都冇同我講過, 就算佢幫手去 chinese tea, 我同佢say thank you, 佢一句反應都冇....這是不是太過分呢? 這是什麼意思? 件事都過左成7 個月...難道你而家仲記住? 難道你而家仲覺得自己 "絕對是對的" ? 假若那天我對眼睛有問題, 那麼那班機上所有同事的眼睛都有問題啦.....

到左福岡, 好彩我仲有同事i....有時我會覺得個天好似派同事i 遇番我, 同時打救我咁...

原來阿哥問同事i 去邊, 阿哥想約哂成班人...點知同事i 話同我行街, 阿哥立即冇再講野啦...一邊行, 同事i 問我究竟發生乜野事, 起初同事i 仲以為我同阿哥係唔係因為私事添...真係啋! 呢d 人絕對唔符合我的擇偶條件...

當我說出那件事後, 同事i 又說了些事給我知...想不到...他是一個如此小氣的人....做男人做到佢咁少氣真係該煨囉....<---lowbay 都係咁講...

今次係福岡係我黎咁多次洗最多錢的一次....差唔多成晚的allowance 洗哂...

第2 天, 我擺左件烏龍事...就係早左成個鐘去 lobby 集合! 係唔係好白痴?!

結果死死氣氣番上房睇電視, 捱多一個鐘....

回程, 我有我做service...佢有佢的小氣...曾經有幾次我想去打破沉默....不過, 次次見到佢的面口...我已經有點怕了....後來...連去後面 galley 拎 duty free items 都有點怕, 要勞煩同事i 幫下我....到左landing, 因為我要做announcement, 所以坐左係galley 中間的 crew seat, 有同事打黎door5 的 right side 搵我...阿哥聽電話, 唔知佢講乜野就收左線, 隔左幾秒, left side 的電話響起...真係俾我估中左, 其實之前那個電話都是搵我既, 但阿哥唔想將個電話遞俾我, 所以叫那同事打去另一邊....做人做到佢咁...記仇記到今時今日, 佢個心唔覺得辛苦咩? 我認為, 你要怪當時的同事說出你的行為, 你自己也要想想為什麼人家會這樣做, 加上, 我們當時冇諗過要說出來, 是老總逼供, 要不是你那次太過分, 老總也不會這樣做....可惜, 至今你依然覺得自己冇做錯....我對你實在太失望了....