Senority (下)

2007.04.19 to 20

第 254 次飛行

第2程由曼谷去新加坡, 同事們都好好, 但反而班客就麻麻啦! 成 2/3 都係國內同胞...可能對得佢地多, 平時既煩我已經麻木左, 不過我的 partner 同事m 似乎唔太習慣, 佢派tray 派到發癲...係發癲到我都有d 驚, 其實我都明白同胞係好煩, 飽又要多個, main course 又要食多個, 同埋個個都要食" 米飯!!!", 我只好向同事m 說, 問他們要豬肉定係魚肉就可以了, 如果你問他們要豬肉飯定係魚配薯菜, 佢地一定要飯啊! 同事m 派派下好激動, 因為個個扯住佢唔放, 乜都要多d, 同事m 係咁話: " 我沒有啦, 都話沒有啦....一人只得一份! blahblahblah..." 我見到咁, 問了一句: "不如我幫你交換, 我派tray 啦..." 最後都沒有交換...繼續做下去...派餐期間, 我有同佢的領隊解釋, 她笑笑口就明白...而佢都有叫佢的團友唔同再問我地拎野..基本上, 同胞煩的程度, 我都接受到, 唯獨是 60 H 那個男人, 真係令我好想立即開機門, 丟佢成個人出去!!!  佢死都要多份餐, 但問題係我地既餐未必夠, 咁我同佢解釋, 派哂餐有多會俾佢...點知佢話: "今日機上面有咁多空位, 餐一定有多啦.." 我說: " 餐的數目是按照乘客的數目, 而不是按照座位的數目!", 另外, 又成日按 call light, 按一次便夠, 但佢係咁一次過按好多次...最後當然俾我好好教訓了...而且最後雖然有餐剩下, 但我都冇俾到60 H 那男人, 我亦同阿姐解釋點解唔俾得佢, 因為俾得一個, 一定會仲有好多人都話要多份, 後果不碪設想...

終於到左新加坡, 因為今次要住係另一間酒店, 唔係太方便, 加上又累, 再加上我新加坡的朋友唔得閒, 所以最後只好與兩位同事到了附近既 great wall city 食下野, 行下超市...點知又俾我地見到紫姐a...唉...真係慘到連走的時候, 都要特登去番food court 同佢講聲我地走, 同埋要問埋佢坐唔坐的士...連係 outport 都要睇 seniority, 我覺得太辛苦了....所以係超市行的時候, 一見到佢, 我立即兜路走....

與今次呢間酒店相比, 我喜歡chinatown 那間hotel 多d 啦! 因為我間房的桌上, 成日冇啦啦俾我見到一隻隻蟻走過....老實講, 我係有d 驚, 不過當時已經深夜, 我只好將所有東西放在另一處, 眼不見為乾淨, 但我買回來的海南雞飯, 因為那些蟻, 搞到我食落去都冇乜感覺....

回程, 一切順利, 因為 light loading...哈哈! 又轉了另一位香港阿姐, 又係十分好人, 相反係商務客艙, 就出現了小風波...原於紫姐的嚴格 及 國內同事推左個塞入最後一支白酒內...我心想, 在economy class工作, 真係不幸中的大幸...

雖然發生那麼多事, 但我都好開心, thank you for the flight!

自己想想...這個月公司所有 pattern 的新加坡機, 我都差不多做完了, 只剩下那班 711 未做....原來我已經係半個singapore based 了.....嗚嗚嗚....