乘客，敬請合作!

2007.04.22

第 255 次飛行

第一天

近來聽同事說, 馬來西亞機現在比新加坡機更難哽, 上了機後, 深深體驗到...

客人一上機, 幾萬雙手要求要枕頭, 毛毯, 雜誌, 報紙...同埋.....一杯杯水......真係仲忙過做新加坡機...不過大部分客都很好人....

本來可以係指定時間起飛的, 怎料到最後一分鐘, 有乘客冇上機, 結果滑行中的飛機, 要回到停機坪, 卸下那位"沒有出現" 乘客的行李, 才可以起飛, 就這樣, 遲了整整30 分鐘才成功離開香港....

做drink service 的時候, 好多客人都問我一會兒是否有餐食...這個當然有啊! 一路上, 都沒有什麼特別大問題, 只係我既zone有位男乘客, 死都要飲 perrier, soda water 都唔肯要...仲要發我脾氣....唉...

我地的第一站係吉隆坡, 所有過境前往檳城的乘客都要留係機上等候, transit 期間, 將會有兩位同事點算過境乘客的數目, 以免有些乘客明明係往吉隆坡, 但又忘記落機...今次過境的乘客大慨有百幾位, 所以兩位同事真的要金睛火眼去點算清楚, 得到同一個數目先可以繼續起程去下一個目的地...怎料數了好幾次, 兩位同事點算出的乘客數目都不一致, 全因為乘客時時由一個zone 走去第二個zone...令點算的程序有點混亂, 亦因為咁, 老總再做多次廣播, 要求所有乘客都要安坐, 同埋暫時不要用洗手間...其實我地已經鎖哂所有洗手間...但依然時時有乘客係點算的過程中想去...我地只好向乘客解釋, 若果佢地去了洗手間, 會影響點算程序...大部分乘客聽完, 都乖乖回到自己的座位, 但其中有一位乘客卻因為我地唔俾佢去洗手間而complain...她說: "i m the only one going in~~!! And u know i m going in now! what a stupid method!" 但問題係, 如果我地俾得一個入洗手間, 其他人見到, 都會話:"i m the only one..." 咁樣只會更混亂....加上這是保安程序的規定, 與安全條例一樣, 大家都必須服從, 就算投訴也沒有, 向好方面去想...這也是為乘客好...因為如果數目不準確都起飛, 我們不知道會唔會有恐怖份子在我們機上...又或者, 恐怖份子落了機, 但恐怖行李依然留上機上...這對大家都沒有好處呢! 但乘客總是不明白背後的原因...最後數了n 次...終於數目正確, 可以起飛, 但我們又再delay 多半小時... 如果大家一早合作, 就唔會有延遲起飛的事情發生!

今次captain 玩了一個遊戲, 就是在香港起飛前, 每一位同事都要估下航機將會幾多點到達見的地 - 檳城, 因為航機delay 完又delay, 結果由估得最夜時間的同事c 得到最近的答案, 禮物就係朱古力一包, 仲要做親善小姐, 一邊坐車去酒店途中...一邊派朱古力俾同事們...

雖然到達檳城已經有點夜, 不過機師及空服們都相約一起去附近的大排檔dinner...

(續)