少了一個人

2007.04.27 to 28

第 257 次飛行

繼上一班新加坡機, 少了一位同級同事後, 今日回到公司, 再一次, 又少了一位同事, 不過今次是少了位紅姐!

本來 兩位紅姐在經濟客艙, 但今次就只有一位了....

壞消息係兩程都幾full, 好消息就係今次去東京, 去同回來, 都有成至少3 小時讓我們在人手不足之下慢慢磨...

另外還有一好消息就係, 這次又遇到很好的老總, 她兩程都有落黎經濟客艙, 暫時做了另一位紅姐....
講到尾, 一日大家有 teamwork, 辛苦極都有限....

至於客人, 來回都係清一色日本人, 有90% 都係男人....差不多全部都係著左黑色的西裝, 有時都唔係好明白, 好多次做日本機, 男人都係著黑色西裝, 唔通所有人都去做business?  有時佢地一群群上機, 俾我一種黑社會的感覺...

而再一次, 我對日本人打折扣, 話說我賣 duty free 時, 有位坐係商務客艙的客人要買野, 但唔好彩, 佢張卡部機唔接受, 佢係咁問我點解唔接受, 唉, 我都唔想架喎! 之後我問佢拎過另一張卡...其實佢一直的態度都唔好, 加上張卡又碌唔到, 就更加態度差....賣完, 我準備回到經濟客艙, 點知就俾我見到這位客人發脾氣, 忽然將一疊睇完的報紙...丟去一位日本男crew 身上, 這行為真係睇到我眼都凸....你唔開心還唔開心, 都唔洗咁冇品將d 野丟去同事身上麻! 你這樣做, 我地空服還有尊嚴麼?

除了這客人外, 其他的都很nice....

明天又要飛了, 我只希望, 不要再少人手了....這樣, 其實大家都會好累...

除了工作上少了一個人外, 在我的生活中, 也少了一個人, 想不到, 對於我來說只係一件小事, 結果竟然會是這樣的...可以說的, 我已經說了, 已經再沒有話了....究竟是你小氣, 定係我根本不當這是一個問題呢?

大家放心吧, 我並不是說仔仔....而是另有其人...

也許, 我不應太在意別人怎樣看我, 或許感覺會好一點...

不過我暫時比較擔心明天那班機, 因為將要與一位曾經有點過折的阿哥飛...那件事, 我曾經係上年既blog 都有post 過....希望唔好同一個galley 做野, 亦希望一切安好吧!