感受著興奮

2006.07.29

第 187 次飛行

這航機上, 通常大部分都係回家的印尼人及華僑, 但今天卻多d 一群 "不速之客", 就是韓國旅行團啊! 他們上機的時候, 阿姐與我都感到很意外...

3種人, 分別都有不同的特徵, 印尼人 - 多 baggages (但情況我還能接受), 永遠飲d乜野都係會剩少少, 鐘意飲coffee, 又鐘意攬住自己個手袋唔放, 最令我費解係...點解佢地咁鍾意"打包" tray 上面的紅色杯呢?

  曾經我見佢地"打包" 哂d blankets 同紅色杯, 好奇咁問佢地, 佢地回答: " 因為d blankets 香, d 杯又靚", oh....原來係咁!

我都唔知俾乜野反應佢地好囉!

有d 印尼人都幾搞笑, 當我做collection 時, 問我d 杯呀, 碟呀, 拎唔拎得走...唉! 你問我, 我梗係話唔得啦! 哈哈!

 韓國人 - 見到佢地塊面咁"白", 都知佢地係korean..

 仲有, 佢地最興打我pat pat, 我做做下tea/coffee service 時, 佢地仲扯我件衫, 搞到我差d 倒瀉野...

 不過今次呢班機上的韓國人, 比我想像中多人識講英文, 如果唔係, 我又要 "雞同鴨講" 啦!

 華僑 - 最興第一句就同我講: "你跟我說國語!"

 但我相信...佢地聽完我講既國語, 會寧願我講番英文算了..

做完service, 仲有兩個鐘頭先到泗水...阿姐(印尼籍)同我一樣都好奇泗水有乜好地方令班韓國人要去個度旅行, 細問之下, 原來係一班4 天的旅行團, 第一天到達泗水, 第二天去泗水附近既一個小town, 第三日去峇里, 第四天就乘機回韓國...但阿姐說, 那個小town, 根本沒有什麼特別好去... 點都好, 最緊要去relax 一下麻! 如果我有機會去, 我都想去架!

全機的乘客, 可能有些人要回家, 有些人去旅行...所以由上機個一刻, 已經好興奮

 有位印尼華僑係興奮到成日周圍調位同人傾計! 點解我會知? 因為我每次見到佢既時候, 佢都坐係不同的位子上, 與不同的乘客傾計...勁呀!

 當航機一到達泗水, 全世界幾乎起哂身, 佢地興奮的程度, 實在令我忍唔住笑囉!

雖然佢地既興奮, 我完全感受到, 但緊記要遵守安全規則麻!

隨著乘客下機, 我的duty 已經完成了一半...