No Call

2006.07.25

今日係stand by 的第一日, 因為以前stand by 的經驗, 所以今日我係stand by 開始前一個鐘就起身化好個妝, 再等公司電話...點知11 點...12 點...1 點...2 點...3 點...都未有公司電話, 但我就收到好多其他電話囉! 大部分都係宣傳電話, 有舒適堡, 有保險, 有one2free, 仲有中大打電話黎做問卷調查, 又有我d 小表妹, 老豆, 同埋親戚要fax 野俾我媽媽, 平時都冇咁多電話既, 就算係宣傳既野都冇既..今日明知我stand by, 全世界陸續咁打黎...想嚇死我咩?! 每次個電話響一響, 我就驚一驚...

 尤其是其中一個電話, 來電者唔出聲, 又冇來電顯示, 真係好驚那個人又"回歸" 呀!!!!!

其實等到3 點, 我已經開始覺得公司唔會再打俾我啦, 所以開始落妝, 而今日的天氣依然好唔尋常, 搞到個人又再一次沒精打采, 所以去沖涼洗頭, 涼快一下..

 最後去左stand by 的最後一分鐘, 公司都係冇電話到..而今日8 個鐘的stand by 就咁完結...

今日冇call 到, 咁明天應該會call 掛???!!!

 希望call 我long flight 啦! 咁我的stand by 就會完哂!

Dreaming...