冇心機

2006.07.07

第 181  次飛行

番黎呢一程, 我對我既客人已經冇乜野期望, 如我所料, 又係越南人居多...不過今次好少少, 起碼唔係大問九唔應個隻...

不過boarding 的時候, 我就已經遇到兩個大難題, (1) 就係佢地baggage 的問題, 越南人同賓賓出哂名乜鬼屎垃圾都拎上機, 一個人可以拎成3-4 個baggages, 見到佢地, 有時我都幾頭痛, 尤其是當d客人差唔多上齊的時候, 因為overhead locker 的位置一定所剩無幾..佢地一個人拎成3- 4 袋野上機, 我點死都要搵到個位俾佢地放低d baggage! 但你地諗下, 一人拎成 3-4 袋, 位多極都有限啦...如果佢地個3-4 袋係細既, 都仲有得搞, 但個3-4 袋野, 根本同3-4個suitcase 冇分別, 仲要係大大個o個隻, 當我好心咁搵到個位俾佢地放的時候, 佢地又唔聽我講, 係都要夾硬塞埋落同一個locker 內, 唉...最後我真係冇氣, 但又要好firm 咁同佢地講: " 你地係放得哂d baggages 上去, 但個問題係個overhead locker 係關唔到架!"

 佢地都仲係唔信, ok, 我成全佢地, 俾佢地自己試下...最後梗係唔得啦...我只好冷冷地回答一句: " see! so next time, u should trust me..."

之後佢地就好乖乖地聽我講, 將d baggages 放係邊..

 (2) 越南既家族通常都幾大下, 有好多都有成 6 人以上, 正當full load 時, 如果佢地遲 check in, 好多時成家人都會分散哂黎坐, 於是問題又黎啦...

 佢地一上機, 就只係掛住調位, 其實如果1 調1 都仲ok, 但點知佢地係想調完 a 同b, 又想將 c同d 調, 之後又要求我地再調 a 同 d! 調位真係唔係一個問題, 但冇理由要d 客人一早settle down 哂, 又要個客人由30f 調去 30 j , 再去 46 c 架麻! 雖然人地肯者, 但佢地將個客人咁調黎調去, 唔會覺得唔好意思咩? 佢地成日話人地ok, 但人地係唔好意思話唔好咋! 我同d 越南人解釋, 佢地又話我唔明白佢地...唉...最後搞到我要 confirm 那位客人係唔係真係唔介意, 我先敢調位, 廢事一陣客人投訴, 又係我揹鑊...搞完呢兩單野, 加上又未好番哂, 搞到我都冇哂心機再做落去...

 對於那兩位調完又調的客人, 我深感抱歉...

雖然我有番聲, 但一大聲d , 又覺得痛, 同埋到呢一刻, 我呢把聲依然唔係自己, 喉嚨又勁癢, 做做下service, 成日好想咳, 但又唔敢喎! 廢事一咳完, 唔衛生啦! 寧願捱到番galley, 飲杯野, 咳個飽...

如果大家有睇我日記, 都知黎個程, 我地同某同事有少少誤會, 唔知係唔係我心理作用, 回程時, 總係覺得那位同事怪怪的, 佢對我就好似冇乜野, 但對另一位同事就好似有心病咁, 佢俾我的感覺係, 抱住一種態度 " 你地想點就點, 我乜都唔會講架啦! 廢事你地又唔信我" 既款, 而佢既眼神, 令我留下深刻的印象...(下一篇diary 我會講到) 點解佢俾會我咁既感覺, 係因為我發覺, 我做乜野, 佢都會幫下我個邊手, 相反另一位同事做野, 佢好似完全唔多理咁...我甚至唔覺佢地兩個有傾過計, 加埋有時我上商務, 我見到其他的的眼神都怪怪地, 唉, 這種感覺實在太恐怖啦! 我同自己講, 快d 做好自己本份, 快d 落機, 快d 番屋企...

做到第2 個service, 我個邊去哂prepour juice, 見有多, 就拎番去galley放低, 點知阿姐話我知另外個邊未搞掂, 叫我去另一邊, 個一刻, 我又多心啦...其實感覺又話我知阿姐成日點我做野, 可能係那個人做得唔好, 先俾佢點...我問自己, 係唔係我成日都冇理另一邊呢???? 但又唔係呀, 我記得去LA 的時候, 4 個blue drawer 自己都有份set...anyway, 無論點都好, 都係醒水d 啦! 做第2 個service, 我去tea 時, 去完自己個邊, 我幫另一邊去埋...我多麼希望我既多心係多餘的...

呢班機, 比起我放leave 前個班LA, 做得更唔開心...