多事

2006.07.18

第 184 次飛行

每一次飛美國機, 我最怕就係番黎既時候過那個 security check 架啦! 因為我頭上的髮夾, 一定會令部機響既...所以每次一番黎, 我都會gel 行少少個頭, 唔駛用髮夾, 咁部機就唔會響啦! 因為一響會好煩, 係美國, 唔單止要掃, 仲要俾人摸全身, 感覺真係一點都不好受!

番黎呢班機, 我覺得最辛苦就係頭頭個6 個鐘...

首先第一個service, d main course 既 choice 係完全唔夠! 淨番成5至6 行, 已經冇哂頭一兩個choice 啦!

 雖然呢個情況好多時都有, 亦都習慣左, 但永遠都係好怕同d 客講冇哂choice, 不過點怕都要將呢個"事實" 同佢地講架啦! 呢班機d 客都算ok 的, 我同佢地講完, 佢地的笑容都幾無奈, 不過又冇話要投訴, 就算佢地要投訴, 我都係無能為力啊!

 有些乘客, 可能坐慣我地公司機, 一同佢地講, 佢地係完全明白, 同我講一聲 "唔緊要...", 實在太感動啦!

做完service, 又係bar sales 的時間, 不過今次的確遇上一點困難...

 呢一季, 如果乘客買滿$1000, 就可以用$200換購原價$1500 某某牌子既wallet + pen, 係呢班機上, 我遇上兩位乘客, 一位係 e/y 客, 一位就係1st class 客, 佢地兩個都只係鍾意個wallet + pen, 但又唔想消費到$1000, 首先講個e/y 客先, 佢揀完又揀, 我拎完一堆items又拎多d一d items 俾佢睇, 呢度已經用左好多時間, 點知呢個時候, 佢隔離個女人話自己period 到, 勁嘔, 要我拎藥俾佢食, 而拎藥要去前面j-class 拎, 但個男人又唔俾我走, 搞到我真係有點氣同佢講: " 可唔可以俾我上去拎藥先? 人地真係等住用架!" 我番到黎, 個男人都未揀完, 因為佢一定要 exactly 揀到$1000, 後來佢揀到 $1020, 佢仲抵死到問我可唔可以唔要個$20, 唉, 真係cheap 到爆...

  事後, 呢個客仲走入答galley 話我計錯左條數! 有冇搞錯?

machine 既野點會計錯呀? 於是我又用我的耐性好"詳細" 咁解釋多一次張單俾佢聽, 佢先收手..

 另一個1 st class 客, 就係臨landing 先話要wallet+ pen, 如果佢唔係頭等客, 我真係睬佢都傻, 佢又係唔想消費$1000, 搞到我又要好"詳細" 咁解釋俾佢聽公司policy 係要消費over $1000先可以以 $200 換購...結果佢死死氣氣咁揀左$1000 items, 點知當我幫佢scan d items 時, 佢拆左個份$200 既wallet+ pen, 話俾我聽"i don't like it!", 結果仲唔買! 激死我啦!

其實當時得我同另一位同事on duty 咋! 我又要做d 麻煩sales, d call light 又多到死, 仲要有客投訴d call light 成日叮叮叮, 搞到佢地訓唔到...搞到另一位同事自己一個去應哂d call light...我都未搞完自己手頭上既野, 野又未食, 杯麵黨已經開始左啦!

 同事話佢去杯麵, 叫我食左野先, 但點得架! 佢自己一個做哂咩?! 於是我提議不如成tray 咁去, 我一邊食野, 一邊整cup noodles, 咁同事一番黎就可以立即成tray 拎走去派, 結果我食食下, 都冇心機食啦, 同佢一齊去杯麵好過! 呢個時候, 商務有兩位同事黎幫手...情況就好了很多...

 結果我地飛左都冇5 個鐘, d 杯麵只係得番4 個...

做完杯麵後, 終於有時間check 下洗手間啦! 我打算拎放係mirror 後面既廁所用品, 點知一開塊mirror, 成塊野跌左出黎! 嚇死我啦! 咁o岩呢個時候, 有個客係洗手間出面, 我就叫個客幫我手睇住個洗手間, 唔好俾客入去, 而自己就去搵幫手, 本來我地打算lock 左去就算, 但因為機上的洗手間唔係多, 所以最後我地用左d 膠紙貼住去先...而家諗番起, 真係幾驚險...

平時我做野, 好多客都只係識"喂", "小姐", "唔該你", 又或者拍下你, 但今次, 有好幾個客, 由boarding 時開始, 就已經成日叫我個名, 就算當時個galley 有另一位同事, 佢地一入到黎, 都只係大叫我個名呀! 仲要係我最忙的時候, 入黎打擾我, 同我傾計, 仲要話" u are so busy!" 唉, 你地見到我咁忙, 就唔好再同我傾閒計啦!

 由於佢地成日咁叫我, 搞到我成日都覺得有人係度叫我囉! 最恐怖就係我rest 完後, 去完洗手間一出黎, 又俾我見到其中一個客係出面等緊呀!

 

休息完後, 諗住快d 做完第2 個service 就落機, 點知自己唔小心俾個wooden tray 界到!

 由於個傷口都幾深下, 同埋機艙太乾, d 血有一段時間都止唔到, 到landing 的時候, 打算換左張膠布, 點知一開, d 血又係咁流..痛爆!

落左機, 最開心就係見到爸爸買左野食黎接我機! 好sweet 呀!

--------------------------------------------------------------------------------------------------------------------------------------------
想起自己手上的傷口, 想起回程時某些片段, 我發覺我心裡的傷口完全未清洗過, 好痛的感覺...