哭笑不得

2006.07.27

第 186 次飛行

因為之前兩日冇call 的關係, 我第6 感話我知, 今日一定call!!!!

 我下午4 點先開始 stand by 既, 但我今日1 點幾就起身, check 一check 公司個web, 如我所料, 有機俾我飛啦! 一早俾我都好, 等我有時間準備麻!

起初我以為只係得我一個係 stand by, 點知一入briefing room, 老總port 左, 兩個紫姐 有一個port左, 3 個紅姐有一個port 左, 而我呢一級, 最誇張! 5 個有4 個port 左呀!!!!!!!!!!!!!!!!!!!!!!!!

 成set crew 11 人, 有7 個同事port 左sick!!  勁唔勁先???!!!

 上次stand by 又係呢班, 今次又係...乜呢班機真係咁得人驚咩???

 係7 個call stand by 的同事當中, 有成3位同事last min 先俾公司call 黎, 有個sp 到boarding 的時候先趕到上機, 同我上次stand by 一樣...

咁多人port sick, 大家估到我做乜野機未呢?

 睇大家都冇心機估架啦! 等我開估吧! 就係"星"國呀!

首先等我講下班客先...

 

暑假喎! 呢d 機梗係full load 啦!

  呢班機的客人有 80% 星人, 印度人同美國人各佔10 %...起初我以為會有好多旅行團, 點知好多星人都係 individual traveller...即係 "哽" 啦!

 但係呢! 從另一個角度去睇, 我覺得佢地好可愛喎! 雖然好多人唔鍾意做星flight, 係因為佢地要求高, 好麻煩, 甚至而家開始有人話香港人同星人都差唔多款, 不過佢地既麻煩, 要求高, 其實佢地只係想睇報紙, 一上機就要pillows 同 blankets 呢d 野...如果我地真係冇呢3 樣野, 佢地可能會因為咁而complain 我地...所以我認為, 係處理呢d 客人時, 要小心d, 第一, 一定唔可以say no! 第二, 要好友善咁同佢地講我一定會盡量幫佢地睇下有冇, 但同時, 我需要佢地既合作, 要俾d 時間我處理, 之後梗係要"電一電"

佢地啦! 哈哈! (講笑)

 第三, 梗係要幫佢地check 啦! 但如果前面商務未release 得d 報紙落黎, 就要番去客人度update 番現時的情況, 起碼要俾佢地覺得我真係有做野架! 通常佢地見到我咁做, 都好樂意咁等多陣...有時我手上真係有好多order 時, 我仲會講笑咁同d 客人講: " 如果過多10 分鐘, 你都未有報紙, 記得提提我喎" 哈哈!

 不過通常我都記得既...

 第四, 當佢地問我拎報紙時, 好多時我都會問佢地, 如果佢地1 st choice 冇既話, 2 nd choice 係乜... 第五, 如果真係冇佢地想要的報紙, 一定要拎一至兩個alternative 俾佢地, 都係個句, 起碼俾佢地知我地有盡過力麻!

 第六, pillows, blankets, 有既話, 我一定俾! 但有時我地冇哂, 又係要去商務睇睇, 再冇既話, 就要adjust 一下機艙的溫度, 另外, 俾杯暖野佢地飲

 

雖然佢地真係幾demanding, 但我覺得可以接受...俾哂d 野佢地, 佢地已經好開心, 到做service 的時候, 又好彩佢有哂佢地想要的choice, 唯獨是熱飲有一段時間都俾唔到佢地...因為有氣流, 仲係都幾嚴重個隻!

 而我忽然發覺, 係galley 裡面, 冇乜野可以 secure 到我自己囉!

 講開氣流, 有一位老年星人好可愛, seat belt sign唔on, 佢就唔要熱飲既, 次次佢一想要熱飲, seat belt sign 就on! 哈哈!

 搞到我後來都忍唔住笑...

 仲有, 佢成日一而再, 再而三, 提我 "我係要滾水! 唔要冷水", 搞到我耳邊都成日覺得佢係咁同我講呢兩句野...

 今日做完班星人後, 我發覺佢地有樣野好既係, 唔會十問九唔應個隻! 同埋都算幾有禮貌, 呢樣野, 恕我講一句, 香港人就差少少...

講完我班可愛客人, 就要講下同事啦! 比起班星人, 我覺得今次共事的其中一位架妹同事, 最令我哭笑不得...

 呢位同事已經做左呢行3 年, 點知...

1. 唔知係唔係佢著左vintage uniform 的關係, 覺得做野好唔方便呢?

 佢著個件係好彩色既uniform..on ground 的時候, 佢只係galley 行黎行去...頭個10 分鐘係乜都唔做, 但我冇出聲, 最後佢見我chill bar, 佢就幫手拎ice bucket 出黎, 點知佢問我..."where is the ice tong?", 我就話: "inside the commissionary comp!", 我仲指埋俾佢睇添, 點知佢都無動於衷, 過左5 分鐘, 唉, 我拎埋俾佢啦!

2. 起初我以為得我一個覺得佢怪, 點知後來我partner 同我講左一樣野, 架妹問佢disposable cup 放係邊 (即係我地倒熱飲需要用的杯), 我partner 話佢知係equipment comp 內, 點知架妹再問," where is the equipment comp?" 我partner 立即 o 哂咀..

3. 差唔多landing 的時候, 因為我忙著duty free 的關係, 40c既客人要english tea, 我只好麻煩我partner 幫我整, 而由於架妹好懶, 成日唔做野, 只係企係galley 度, 我partner 睇唔過眼, 叫佢整, 點知我地同佢講左3 次個seat 係邊, 佢依然以為係 第43 行呀!

 但呢架機, 係冇第43 行架!

4. 佢連bar cart 既 red seal 都唔識整, 阿姐睇唔過眼, 講左句: " 等我黎.."

其實仲有好多, 不過呢4 單野, 足以令我地頂唔順...

我同我partner 講佢做左3 年架啦! 佢唔信...但我就好肯定囉! 因為佢個staff number 係我partner 同我之間, 即係呢個架姐係早我一班, 但遲過我partner 一兩班咁...之後我地就開始懷疑佢究竟係真唔識定係假唔識...後來..到了第2 天, 連架妹個邊那兩個partner 都走黎同我地講...哈! 原來個個都sense 到...爆笑!

就係咁...3 個幾鐘好快過左, 終於到左星國啦!

番到酒店, 打算訓覺, 點知訓唔著...明明好累, 又訓唔到...

 最後, 我發覺自己原來成over 12 個鐘冇食野, 好彩有帶杯麵黎者, 立即食番個...食完, 訓個飽飽, 但當時已經係第2 天既早上6 點了!