半日shopping

2006.07.15

訓左成15 個鐘, 雖然發左幾個惡夢, 但街街始終都要出既..

起初我打算去sightseeing 既, 但因為天雨關係, 我暗自取消了...

11 點鐘, 約左兩位同事去lunch, 起初我真係好單純咁諗只係去lunch 既, 點知原來佢地打算打埋街街, shopping 一下喎! 既然佢地想, 我當然會奉陪啦! 哈哈!

 

順帶一提, 孤菇我其實唔係鍾意行街街既人黎, 我都唔知點解我冇呢種癮, 我反而鍾意周圍sightseeing一下...就算去幾多次都唔厭個隻...不過間唔中shopping 一下都唔係一件壞事黎既..

 因為我咁樣, 有時我好懷疑我身邊的朋友會唔會覺得同我行街好悶呢?

因為孤菇我只係鍾意window shopping!

 

入番正題啦! 我地酒店係51 街, 而我地想去lunch 的地方就係32 街, 比著平時, 我一定坐 subway, 不過既然又要shopping, 我地就沿住5th ave 咁行落去啦...

首先就係大戰 H & M, 成3 層高, 未行, 我就已經有d 頭暈暈...咁o岩又有sales, 周圍都係女人同d 衫, 行左一段時間, 我竟然睇中左件衫, 係身邊的同事慫恿下, 我就去左試, 唔知係唔係上次係 LA 病完一輪, 瘦左少少, 今次著細一個碼都得喎! 真係開心死我...

 結果我係買左既...

我地一邊行行行, 一邊傾傾傾, 又行下 pharmacy, 冇耐就去到32街啦! 今次我地係食korean food 呀! 未去過都唔知成條32 街都係korean 既世界, 成條街都有一間間korean restaurant, 結果我地揀左一間被受好評的餐廳...

 揀左一大輪, 最後我又係揀番我最愛既石頭飯...

 我鍾意石頭飯最主要的原因係食到最後, d 飯仲係好熱...感覺真係太正啦!

 同埋好鍾意佢地秘製的sauce...仲有個d kimchi, 真係食完仲想encore 呀!

 由於太辣, 我食到有點感動...

 亦由於太好食的關係, 連自己喉嚨痛都唔記得左...

 食完就知死啦...

食到飽飽, 就行番去44 街的macy行下, 估唔到我係呢度又有收穫!

 見到有個new york bear bear, 好鍾意呀! 結果又係同事慫恿下買左...真係估唔到, 一係唔行, 一行就買野..嗚嗚嗚....

 我同自己講, 買完呢兩樣, 就要收下手...

係macy 附近有好多店鋪, 我地又行下 A.E, old navy, forever... 等等, 好多地方都有sales, 除左 gap, 個度既野真係貴到...驚人呀...不過最令我大開眼戒既, 就係一間叫"victoria secret", 一行入去, 個d model 著住既 underwear, 如同事所講, 好似係砵蘭街成日見到個d咁...真係sexy 得很...睇到我眼都凸!

 薄薄地, 著完等於冇著既一件咁既野, 個價錢同一般衣服冇乜分別, 有d 甚至仲貴d...我就真係諗極都唔明啦...

唔經唔覺, 又行左幾個鐘,由於有同事要6 點前番酒店, 所以我地經過time square 行番酒店, new york 的time square 真係仲旺過香港的旺角, 想透個氣都冇呀! 周圍都係人...仲迫過旺角! 行行下, 我地3 個都頂唔順, 繞去另一條街, 再行番去酒店...

 不過我都不忙買左張postcard 寄下..

行左成半日, 真係腳都軟呀!

p.s 相片又係等我番香港補上...