無啖好食

2006.07.03

第180 次飛行

今日做左班好多同事都唔鍾意做既星加坡flight, 對於呢d flight, 又唔駛驚既, 事事小心d 處理就可以...

仲有, 今日番到公司, 開始有人著懷舊uniform 啦! 至衰今日班機冇人著啦, 唔係一定要影相呀!

 不過都好慶幸自己冇著, (1) 無論行到邊, 都勁多人望...

 (2) 好多同事見到其他同事著左懷舊 uniform, 三唔識七都傾一大餐..

 (3) 始終覺得著左懷舊uniform, 做野好唔方便, 有d uniform 唔係過短就係過長, 我呢d 咁粗既人, 就唔o岩啦...

 (4) 著住懷舊uniform 係cabin 行黎行去, 真係好唔自在, 同埋我覺得一定會成日俾人截住...

 基於以上的原因..都係唔著好d..

其實今日係 briefing room 時有d 驚架! 因為今日 j 小姐係老總, 之前, 我已聽過好多同事話公司其中一位 j 小姐係 top 10, 但我又唔知係唔係我面前呢一位喎! 最後的結果係....唔係呀!

 雖然佢係星加坡人, 但佢係我極小數見到的勁nice 星加坡人呀!

講番班flight 啦! 去個程唔full, 但我都唔明點解, 我on ground 的時候, 已經行完一轉又一轉 blankets, headset, landing card, 但一take off 之後, 依然都有好多人問我拎...

 搞到我係中間的galley, 永遠都行唔番去後面的galley..

番黎係full load, 但我認為好做過黎個程, 至少d 客冇咁煩先..

.係我心目中, 煩的客人就係, 之前派野俾佢, 佢死都話唔要, 事後係我最忙的時候先話要, 我就好唔鍾意

...不過點唔鍾意都好, 都要笑容滿面咁俾d 野佢架!

今日兩程的choice 都係一樣, (1) fish rice, (2) chicken potato...我好鍾意呢個咁既配搭!

 好過chicken rice 同 fish potato...因為如果係咁, 全世界一定係要chicken rice!

 所以勁鍾意今日的choice!

 起初問佢地要魚定係雞, 見雞冇乜的時候, 立即轉講要魚飯定係雞跟薯仔...大家一聽到係飯, 立即又擁哂去d 魚度, 就係咁, 好順利派哂d餐, 又唔會有客人冇左自己鍾意的choice..哈哈!

不過今日有件常見激氣事...當我serve 某客人時, 我問佢要fish rice 定係 chicken potato, 佢連續問左我幾次 "what?", 而我當然係咁重覆講過今日的choice 啦...最後我減到得番3 個字 " fish or chicken?" 點知佢竟然同我講 佢已經食左, 事後我先知佢原來已經食左special meal, 又有同事收左, 只係因為我冇派過俾佢, 加上serve 到佢個時, 佢個tray 又冇左, 所以先以為佢冇食過野...好心佢啦...一早同我講麻!

 

今朝我只係飲左杯奶茶, 之後係機上面, 因為忙住做sales, 第一個sector 我冇時間食野, 到transit 的時間, d caterer 又offload 哂d 野, 結果我只係食左隻蕉

, 到第2 個sector, full load, 加上完左個service, d 客睇完又睇d 產品, 但最後又唔買喎!

同埋咁o岩呢一個月, 又轉過哂d 新既產品, 又難搵...真係哂左我好多時間呀!

 結果我又係冇食野...我個galley partner 同阿姐都問我 : " 乜你唔覺得餓咩?" 唔知點解, 真係唔多覺...

飛完呢班機, 開始病啦, 個cabin 起初好凍, 但因為太多人要 blankets, 而我地又唔夠喎! 於是就調高d 個溫度, 點知我係可以做service 做到出汗! 加上我本身喉龍已經有點問題, 今日好多乘客係十問九唔認個隻, 搞到我落機時, 個喉龍痛到爆!

不過為左自己個胃著想, 番到屋企, 食左個 late dinner..始終都係屋企好...

聽日又飛啦!

--------------------------------------------------------------------------------------------------------------------------------------------

呢一刻    在車廂內

我很想一個人...