LA 失聲記 2

2006.07.04

第 181 次飛行

訓醒後, 我覺得仲辛苦過之前...因為個bunk 係勁熱...起身的時候, 我成身覺得好滾, 但又唔敢同d 同事講, 所以佢地直只係知我冇左把聲, 不過點都好, 我都會堅持做埋第2 個service...我覺得病還病, 我揀左要番工, 我就要做番工作應該做既事

...就係咁, 我又好用心良苦做第2 個service..但今次一開始, 把聲幾乎冇左...我把聲最多只係去到h 同j 位, k 位大部分人已經聽唔到我講乜啦...我最後只好同H 位的客講, 麻煩佢地可唔可以幫我同K 位的客人講今日有乜野choice...至於d 越南人, 又係十問九唔應個隻, 最慘既係, 我問佢地究竟食唔食野, 佢地係咁搖頭再up 頭, 咁究竟食唔食呀??? 最後我見佢地真係唔多應我, 我冇氣啦, 亦開始有d 火, 好想發脾氣, 我講唔到野已經好辛苦, 仲要我同佢地玩野...救命?!

我同佢地講, 如果想食野, 就舉手, 我一定會番黎...就係咁..飛左佢地...

 做完 service, 又收到一大疊order...不過做duty free 又唔緊要, 起碼唔駛需要點用把口講野...但有個越南客又係激死我, 我已同佢地講我既stock 只係得3條煙, 點知佢地同我講n 次, 一人3 條煙(佢地有兩個人, 即係要total 6 條), 唉, 我講左n 次我個stock 得3 條咋, 你地明唔明架??? 我點變多3條俾你地呀???

 最後...我畫埋公仔, 終於明...

landing 時, 我終於搵老總, 我好需要睇醫生...我已病到自己頂唔順啦.......點知我估唔到, 我一咁講, 老總好緊張, 仲要立即搵captain, 似乎有點誇張..

 降落左, 連ground staff 都幫我打電話, 最後係captain 同老總的幫助下, 我第一次係全set crew最早一個拎allowance, 同番房換衫...而家諗落真係有點唔好意思, 不過更恐怖既就係...係crew bus 上面, 老cap 問邊個係xxxx, 要睇醫生那個時, 坐係最後一行既我, 舉手, 一舉, 10 幾對眼望哂黎...實在太恐怖, 我最怕咁多人望住我...

 打搞哂大家, 真係過意唔去...

坐免費的的士去睇醫生, 只係得一位職員, 幫我探熱, 量血壓等等, 之後再等醫生到, 呢個時候, 唔單止喉嚨痛, 鼻水又黎啦...越來越厲害, 仲係咁發冷...真係想個醫生快d 到, 醫完我, 俾藥我食, 快d 番酒店好過, 因為個時已經成凌晨1 點幾了,由於我冇乜心情, 又累, 又病, 加上我份人又唔識social, 所以個男職員同我傾計, 都係佢問一句, 我答一句, 佢一定發覺我份人好悶.哈哈!

 最後, 我差唔多成1 點50 分先番到酒店, 仲有10 分鐘就冇room service 叫, 試下問佢地仲整唔整, 佢地又肯..實在太好啦

...因為我第2 個service乜野都冇食到,..餓死..

還是香港睇醫生好, 係度睇, 佢只係俾左支野我噴個鼻...咁我喉嚨點算???