貴人

2006.07.05

昨晚食左d 藥, 訓左一覺, 今日起身, 好似好了點, 起碼冇全身乏力的感覺同發冷先...昨晚真係蓋幾厚的被都冇用... 

今早起身, 一咳...除左喉嚨劇痛, 有痰外, 仲有血~~~~呀~!!!!!  我又再一次睇到眼都凸, 又要講句: " 咁大個女都未試過!"

呢個時候, 我check 下自己的blog, 相士真係講得冇錯, 無論我去到邊都遇到貴人!  原因有兩個blog 友都正正係LA 呀!  真係約都冇咁o岩, 鬼咩? 而家一日3 班LA...遇到識既同事都唔出奇呀!  首先再一次多謝lowbay 的湯水...同埋個支噴噴...btw, 下次有機會同你飛, 請番你食野補數!

之後我捱呀捱呀, 去睇世界杯...如我所料, france win 左! 一邊睇世杯, 一邊係msn俾我媽媽教訓...媽媽, 我知錯啦! 下次會睇醫生架啦! 唔好唔要我! 你唔要我, 就真係冇人要我架啦! 嗚嗚嗚...

除左有lowbay 呢位貴人外, 仲有一個估唔到既貴人, 真係要介紹下佢...話說我前兩個月做LA flight, 佢坐係我個zone, 到rest period 的時候, 佢係咁企係後面的galley 度, 同我傾計, 當然佢都有同其他crew 傾, 但其他人好似唔多理佢咁...還掂我又得閒, 傾一兩句都ok 既...後來我問自己, 點解佢傾極都唔番埋位呢? 佢又唔係坐window seat, 佢係坐aisle seat 既, 於是我問佢, 原來佢隔離那人有體臭, 搞到佢好唔舒服...於是我地就咁傾傾傾...最後, 我記得佢俾卡片俾好幾個同事, 我亦係其中一個, 佢仲問埋佢地的msn, 當然我又係其中一個...我記得, 當時有位同事話佢勁多野講, 頂佢唔順, 自問, 我都有點覺得, 不過程度我仲接受到... 起初, 佢msn 我, 可能我忙啦, 真係冇時候應酬佢...但自我分左手後, 我發覺私人時間真係多得很, 傾下傾下, 又ok 好傾, 所以今次黎LA, 佢本來打算帶我周圍玩既, 點知我又病成咁, 所以已同佢講左我應該出唔到去, 終於黎到呢度, 真係病到死...由於昨晚完全唔想再講野, 所以冇打電話俾佢, 直到今日見到佢online, 禮貌上應該同佢交待一番的, 佢知道左, 好一句 "好朋友, 4 海之內皆兄弟也..", 佢搞掂完手頭上既野, 就去左買野俾我食, 不過最狼狽既就係, 佢拍門時, 本小姐訓左覺, 搞到我要搞一大輪, 先敢見呢一位貴人... 為免傳染俾佢, 佢係要戴口罩.... 傾完一輪計, 佢車左我出去pharmacy 買藥...真係好多謝佢啦...希望你真係度到期, 呢個月中係香港見啦!

睇怕係我空中生捱內, 收到的卡片中...佢係唯一一個客人同我有contact 的, 其他的卡片, 我應該丟哂lu...

同媽媽傾開貴人時, 我足足俾媽媽笑左一大輪...對於我黎講, 外國的男仔會識做d, 就算係朋友都係咁架...所以我覺得正常的, 都唔明媽媽做乜冇啦啦又諗埋d 衰野..
不過最慘既就係, 我病到死的時候, o岩o岩過氣的bf, 仲係咁send msg 黎疲勞轟炸我...你係唔係想激死我?! 但奇怪地, 另一個send 黎的msg, 我又覺得暖在心頭..

雖然我病得好厲害, 但我好多謝天主幫左我好多, 好多謝您...