LA 失聲記 1

2006.07.04

第 181 次飛行

我今次真係高估左自己的能力...

見退了燒, 最後都去左番工, 但仍然有少少流鼻水同喉嚨痛.

一直都相安無事, 但點知一起飛, 第一個service 都未做, 就出事啦

因為去美國的關係, 派custom form 同 landing form時, 係一個我覺得都幾煩既程序, 煩係煩在我要逐個問佢地拎乜野passport, 因為某d passport 要填的form 係會有d 唔同...於是我就逐個逐個問...點知o岩o岩take off, 架機仲係勁嘈, 好多人都聽唔到我講野, 我要大大聲咁問佢地...(搞到我好似好惡咁, 但我都唔想啊!) 好啦! 佢地聽到我問乜啦...我問佢地"what kind of passport are u holding?" 佢地竟然問我 " passport! " 我轉一轉問佢地, 我問" are u holding green card, u.s or canadian passport? " 佢地竟然又答我 "i hv passport! " 大佬呀! 我夠知你有passport 啦...到呢個時候, 我真係惡啦..."i know u must hv a passport, but i hv to know what kind of passport r u holding...where is ur passport?" 一睇...原來係 u.s passport,吹帳.

 有d 仲衰, 連passport 都唔知放左係邊.

 廢事煩, 乜都俾哂佢地..如是者, 有成3/4 的客都係咁答我.我係咁大大聲咁講, 最後我由dr2 做到都未到door 4, 我把聲冇左一半同埋係沉左8 度, 成把牛聲, 呢個時候, 大聲已經行唔通啦.因為講幾大聲, 我把聲已經唔會再大得去邊..

到做service, 我個zone, 有3 類人.大部分都係越南人, 我諗有成60%, 台灣人有20%, 美國人同叉叉有20%...忽然間, 我發覺, 除左越南人, 其他人易搞好多...叉叉通常叫special meal, 台灣人都ok, 因為至少我都識講少少國語, 美國人更加冇問題, 佢地一定聽得明我的英文, 唯獨是越南人, 我唔係想批評佢地, 廣東話又唔識講, 國語又唔識講, 英文更加唔識啦.我心諗,佢地點係美國生存?

 仲有今次有成60% 越南人, 雖然已經係第3 個月做LA, 做到麻木哂, 但今日, 我覺得好吃力.

 就好似第一個service, 問佢地要乜野餐, 佢地聽唔明我講乜...淨係識講"coco"<--即係cola..

 我問佢地要食乜...唔識答, 淨係識搖頭...最後我冇佢地咁好氣, 成份menu 俾佢地自己睇, 我睇住其他行數先...當我個cart 越來越遠離佢地, 佢地開始驚啦! 佢地終於諗到佢地想食乜啦! 恭喜哂...只係諗一餐飯食乜都咁辛苦, 真係"鄧" 佢地做人辛苦..

 由於個60 % 的越南人, 有成一半都係咁...所以我把聲由原本冇左一半, 到而家又冇多一半.幾乎到最後個幾行, 已經再冇乜野人聽到我講野.

crew rest 的時候, 我沖左鹽水俾自己飲, 似乎就好了點, 我喉嚨係痛到野都唔係好想食, 但因為餓啦, 點都要食d 野, 好彩我有帶喉糖, 漸漸地, 把聲又好似好番d...

但好唔好彩, 今日crew rest 落黎幫手的crew 有d"阿姐"款...其實我地3 個同事只係想講個事實"聽唔到阿姐有講" 俾佢聽者, 但佢就覺得我地好似唔信佢咁, 既然佢話阿姐要我地做d乜乜乜, 我地當然會做...後期, 我見到有d 火藥味, 我就偷偷咁上去整定d cup noodles, 我明呢個"阿姐" 的意思...佢話一個foodcart 換一個cupnoodles cart 麻...但我見大家都未有意思換cart, 我又唔敢出聲, 所以先打算上去前面做左cup noodles 既 cover 既者, 等佢地一陣有意思換cart 先換都ok, 點知整整下, 又話換cart, 就係因為咁.."阿姐" 以為我地唔明佢的意思囉! 仲問我係前面個galley 做乜野, 當時我整緊cup noodles 的cover...番到去後面的galley, "阿姐' 忽然話: " 我要澄清一d 野, 我發覺你地好似唔明, 同唔信我.." 同事叫佢唔駛講, 話我地明, 但佢係都要講, 好啦, 俾你講....佢話" 係你阿姐要你地一個cup noodles cart 換一個foodcart, 再 prepare 4 tray cup noodles (即係放 plastic cover), 不過你地唔想做唔緊要, 我只係講阿姐同我講既野俾你地聽, 唔好一陣阿姐番黎問, 話我冇講..."忽然我覺得呢d說話有d "ngun" 耳....本人都覺得佢地有怪, 好似我地galley 有個架妹好新既, 佢都幾健談, 呢位"阿姐"冇啦啦同我講: "呀...呢個架姐join 左冇耐就好多野講..." 之後就逐問我幾個阿姐點...如果佢只係問我那個, is ok, 但其他都問, 似乎過了界, anyway, 我唔理咁多, 我最慶話:"唔知.." 哈哈!

待績...