漏氣

2006.07.22

第 185 次飛行

成個星期冇番到公司, 一開個mailbox, 都唔知點解會多左咁多野既, 不過最令我怕怕又是那個黑白信封, 今次又係乜呀???!!!

 一睇, 哦, 有點安慰, 因為是一個好消息, 我竟然收到公司的禮物...不過我認為, 送個樣野俾我, 不如俾錢我仲好...呵呵!

sign in 後, 去睇下個crew list, 5 個bc 有兩個port 左, 仲要call 兩個阿姐(一紅一紫) downgrade, 我心諗...死啦! 我可唔可以而家又port 埋?!

 睇完個list, 註定呢班機一定會好辛苦, 仲要係full load 機...

 另外, 今日仲有兩位同事FD flight, 即係佢地只係train 左safety, 而未train service, 而今日佢地就係上機睇下我地點做野...

結果我同一個o岩o岩過左probation 的同事一條aisle 做野, 而另一邊就係一紅一紫啦! on ground 的時候, 我partner 要去商務幫手, 即係得番我對住一紅一紫, 同埋我阿姐! 我乜都冇expect 過, 同自己講, 做得幾多有幾多, 做唔哂take off 後先再做, 講就咁講者, 但個心都唔知幾想快d 搞掂...結果我一口氣搵左8 個empty blue drawer, chill bar, water, newspaper..等等...d 客都未上機, 我已經出哂汗...

雖然係暑假, 但都唔係好多旅行團, 日本人反而多d 喎!

 一開波, 我地個邊就快到死, 不過唔係我快, 係我partner 快咋! 但隔離aisle就好似永遠都meet 唔到...到派餐的時候又一樣, 我地派哂, wine 去左, 去埋佢地個邊...之後做tea/coffee, 又係去埋佢地個邊...其實我地都唔算慘啦, 個兩個FD 同事先慘, 因為佢地都未train service, 其實只係observe 下我地做野就可以了, 但我阿姐加一紅一紫, 係咁叫佢地做野, 但又冇教佢地點做喎, 搞到有位FD 同事,去green tea, 只係拎個jug, 冇拎到個tray, 最後俾人話, 我見到的時候已經太遲..

阿姐有點微言, 可能我覺得佢地有d 慘, 所以幫口講左句: " 佢地未train service 架!" 其實我心諗, 佢地肯幫手我已經好 appreciate 架啦! 見佢地錯, 我地可以同佢地講, 但唔駛咁糟的表情麻!

 另外一位FD 同事又係好好笑,始終都係新人, 記人地個名會差d 既, landing 的時候, 我阿姐話佢只係識叫阿姐 "excuse me" , 哈哈! 笑死我...

阿姐梗係有少少不滿啦, 不過佢都明白既...

 

回程的時候,又係幾乎full load...service 的情況亦係差唔多, 那兩位一紅一紫姐開始覺得唔好意思...而我同我partner 就好似個氣球咁, 乜氣都用哂, 開始漏氣啦...到後期, 我同佢連去對面aisle 都唔想再行, call light 一著, 都唔想再去應...因為我地真係累死了...點知呢個時候, 又俾我聽到d 野, 紫姐係FD 背後話佢地只係識行黎行去...我聽完, 唉...人地梗係行黎行去啦! 人地suppose 係 observe 咋麻! 不過算, 我當冇聽過...

 由於回程的時間比較長, 又發覺今日好似冇乜點理過呢兩個FD 同事, 最後都教左佢地少少野既, e.g food cart 點set, 個trash compactor 點用...等等...希望教完佢地, training 用得著啦!

 其實我真係好多謝佢地幫我手架!

番到香港, 我發覺對腳已經唔係屬於自己...同埋, 呢排真係唔旺我, sales 又麻麻, 今日又界到手, 都唔明, 執垃圾都會出事, 不過傷口冇上次咁深啦...小小痛苦我受得到既...

差唔多降落香港的時候, 我發覺今天我係忙到已經忘記了很多令自己不快樂的東西, 係直到降落個一刻, 我才記番起...但感覺好多了...
今晚唔知點解, 忽然好想去書展, 但睇黎今年都冇緣架啦! 因為d 時間都唔夾既...仲有, 最重要既就係冇人同我去, 唔通又要自己一個去?

我問自己, 點解忽然咁想去, 可能我已有個幾月冇出過街街, 冇去過旺角等等地方...

原來我的日常生活, 只有屋企, "惡哂"城, 飛機, 同機場...再屋企, "惡哂" 城, 飛機, 同機場....不斷重覆著...

呢一刻, 我真係漏哂氣啦!

我知道我今晚一定睡得很好...