什麼是專業?

2006.07.13

第 183 次飛行

平時番工, 一個識既人都見唔到, 但今日都算見到幾多認識的人!

 首先就係約左ct 拎番張i can fly cert 同紀念品, 係呢度, 我想多謝所有成員...

 之後就去briefing, 見到個crew list 有我朋友的名字, 點知後來佢俾公司拉左去做另一班機呀! 太失望啊!

因為太耐冇見, 好多野想同你講呢!

 不過後來我地係crew lounge 都見到面, 傾左一陣...

 就係呢個時候, 我終於認得lowbay 啦!

 我認人真係差d 既, 其實佢今日上巴士時, 我已覺得佢熟口熟面, 但點都醒唔起佢係邊個, 當我番左公司, 又見到佢, 但我依然係記唔起, 最後, 係crew lounge 時, 睇真d, 記得啦...哈哈!

 真係唔好意思啊!

 不過呢...你做乜係公司咁大聲叫我做 "小孤菇" 呀? 我怕羞架!

雖然好多時, 得番自己一個, 又或者放工後, 覺得唔開心, 但對於我黎講, 一著起制服, 就要暫時忘記一切唔開心的事情, 開開心心咁上班去...因為呢份工最重要就係笑笑笑...乜野時間都要笑笑笑, 至少個樣俾人睇落要pleasant d 先得麻! right?

 呢d 係我地既專業...

 其實今日, 如我所料, 我又係由BD轉番做operating crew, 仲要打電話黎屋企話我知, 我特登唔聽電話既, 唉, 一見到係公司電話, 自己就心中有數, 我同自己講, 算啦, 都預左, 而家自己又估o岩左, 唔應該唔開心既, 至於做商務, 都係一件好事麻! 因為商務light loading 呀! wakkakaa!

 於是我懷著開心的心情番工...

不過呢, 有位同事就唔係啦, 由上機個刻, 黑面黑到落機個刻...

 佢係stand by 既, 可能公司又係last minute 先call 佢啦, 仲要downgrade 佢做我地呢一級, 又有可能佢有d 事唔開心, 但點都好, 我都覺得唔駛成程機都黑面掛...

 就算係, 都係公司得罪你, 唔係我地麻!

 呢位阿姐做e/y(經濟客艙), 我就做商務, 咁o岩我個zone 有客人要買免稅品, 所以我就幫個客做follow up, 還掂商務又light loading, 我時間多得很, 加上自己跟番好d 既, 唔係另一位同事太忙, 可能會唔記得左麻!

 於是我就去左e/y, 點知我見到呢個阿姐, 無論係pass by or 迎面見到佢都好, 佢都係"miu" 我...到return sector, 因為我個zone 又有客人買野, 所以我去左e/y 幫手, 再將d order 俾左負責的同事, 今次, 我又係幫呢位阿姐個邊手去中國茶, 佢去coffee 既, 點知我地meet 到既時候, 佢又係"miu" 我, 嘩..個樣好似嬲左成村人咁架! 幾得人驚...

 <--同呢個樣差唔多...之後我仲聽到 "gip" 一聲...嘩! 駛唔駛咁呀???!!!

 我落黎幫手, 仲要俾人"西" 我面...最慘就係, 我同你一d 關係都冇喎! 你係後面galley 做野, 我係前面galley 做野...

 其實做派tray 的時候, 我已見到佢對其他同事都唔友善, 好似冇哂tray, 佢喝一位同我同級的同事, 見到呢個情況, 我當然要識做, 立即同呢位阿姐搵tray 啦...而家又"西" 我面, 我真係諗唔通啊!

anyway, 我同自己講, 快d做完service, 番去商務客艙好過...

由於我partner 都有去後面幫手, 所以我地之後都有傾下計, 傾開呢個阿姐, 估唔到我partner 都有相同的感覺, 之後佢話,可能呢個阿姐俾人downgrade 左, 仲要出cart 啦, 所以唔開心吧...我聽完, 我心諗, 我本來roster 的duty 只係賣免稅品(當然真係BD 既話, 我都會幫下手做SERVICE 架!

), 而家轉左我出黎Operate, 我都冇話特別唔開心, 我認為, 你係standby 既, 你就一早預左乜野都會發生架啦!鬼叫而家咁多人port sick 咩?! 同埋, 我覺得, 點唔開心都好, 事實係, 而家要downgrade, 要出cart 架啦! 點解唔選擇開開心心咁做埋去呢? 又唔係long flight, 只係一個short flight, 一個鐘去, 一個鐘番, 又只係派飽飽...有幾難呢?

 3 句講哂, 一著起uniform, 就要professional...唔開心既面口唔該收埋去...thanks!

 

最後, 成程機完左, 佢只係會同高級過佢的人講 "thanks", 我地呢d 低級既, 又係一味"西" 面, well i don't care, 因為一放工, 我就絕塵而去...只係想快d 番屋企...

今晚番到屋企, 除左執明天的行裝外, 我仲send 左個e-mail 俾一位負責免稅品的公司高人, 俾左個意見佢, 希望佢考慮下啦, 因為我呢兩日真係有少少白做...

仲有要做既一樣野, 梗係打blog 啦!

明天又飛啦! 去一個好遠好遠既地方...差唔多成兩年冇去架啦! 有d 緊張添!