一小時遊中國城

2006.07.28

原本諗住11 點幾起身出去行下, 點知醒的時候已經係下午一時半!

 本來都唔想出去架! 但如果唔出去, 我就冇野食...

 加上, 自己都冇乜試過認真出外走走, 結果都係外出...

雖然星加坡都係熱, 但好似好過香港少少..

 由於我地住既酒店係chinatown 內, 加上時間不多, 所以我便在中國地一帶走走,  起初仲驚自己唔識路添! 點知行行下, 我發覺這裡, 上次星加坡的penfriend 都帶過我行架!

 

 

黎到china town, 當然要行下呢條有少少似旺角女人街既...Pagoda Street 啦!

 我對上個兩次黎都係wkend, 勁多人架! 但今日wkday, 街上大部分都係外國遊客...咁少人, 行起黎都舒服d 呀!

 

行到最盡, 轉右, 就會見到呢座the oldest Hindu Temple in Singaport - Sri Mariamman Temple!

 係出面影相是可以的, 但如果要入去既話, (1) 要除鞋, (2) 入面影相要捐坡紙 $6!

 其實上次我都有經過, 不過d 相影得麻麻, 今次再影過!

回望 "旺角女人街" 照片一張!

 

行完呢條 "旺角女人街" 後, 因為餘下的時間不多, 所以我就去左郵局! 因為我例牌次次去唔同的國家都會寄postcard 俾自己架!

 其實大部分時間, 我都會將postcard 交俾hotel, 再佢地d 職員幫我寄既! (當然要俾左郵費佢地先啦!

) 但因為上次我叫佢地寄, 佢地寄失左, 而我見地圖上有好幾間郵局, 所以今次都係自己出馬!

 自己買郵票, 自己寄埋, 不過間郵局都幾難搵, 好彩有途人的幫助, 先搵到...

寄完信, 最後一樣野要做既, 就係要醫下個肚啦!

 次次黎星加坡, 我都冇食海南雞飯, 因為次次我黎, 都係我個penfriend 帶我出去食野...但今次, 因為唔係wkend, 佢應該唔得閒, 所以我都冇搵佢啦...自己搵食啦!

 呢間野好多同事都有幫親, 所以個女人一見到我就問我: "你係幾時到架?" 哈哈! 之後我影左下面呢張相, 佢好驚咁話: " o下? 你影相架?" 我心諗...怕乜野者? 你咁好手勢, 又咁靚女, 梗係要影下啦!

 

果然係好好食! 最鍾意就係佢幫我起埋我最討厭的骨!

 下次再黎, 一定要 encore!

 

食完呢個飯, 又係差唔多時間起飛回港了....