超時工作

2007.08.12

第 288 次飛行

今日第3 日, 早上7 點開始 standby, 等等等, 等到 10 點幾, 終於有call 叫我做個 seoul turnaround...好久都冇做過咁晏的 turnaround 啦...其實好唔鍾意, 因為回到家一定已經到左第2 天了, 但又怎可以 refuse duty 呢?

入到briefing room.. 明明我個名已經print 左係個crew list 上面, 但同事竟然知道我是call standby 的, 真係厲害... 咁傾開, 我就話自己 7 點開始 standby, 10 點幾有 call blahblahblah...講完, 同事說今晚duty end 成 11 點幾喎, 咁由duty start 起咁計到 duty end, 我今日即係要non stop 做 16 個鐘頭? 其實如果唔係同事咁講, 我都唔知做over 14 個鐘就要有 crew rest 囉...不過事後我問左 lowbay, 佢話由10 點幾call 我個刻, 到12 點幾briefing start的時間是唔會計的...但我心諗, 冇16 個鐘, 都有 14 個鐘, 至少都應該有一個鐘頭crew rest 啦...點都好...standby 就是這樣子...沒有選擇...因為公司永遠是對的...佢地永遠都會用 "operation requirement" 呢個reason 黎塞住你把口...同事說我應該同老總講我的情況, 但我都冇同老總講...講真, 如果我同老總講, 佢的感覺一定覺得我想有 crew rest 先會同佢講....加上我又冇打算要休息...兩程都full, 如果我有兩個choice (1) 有 rest ,但俾人"小", (2) 冇rest, 但做到半死... 我會寧願揀第2 個choice...我要死得轟轟烈烈...

就這樣, 我就上左機工作去...好怕做韓國機, 因為好怕俾韓國人打patpat, 不過出乎意料....去個程差唔多全機都係韓國人, 但冇人打我patpat, 仲大部分人都識聽英文...好開心啊, 好似做日本機咁... 不過到左派餐的時候, 身體開始呼叫, 派到最後兩行, 忽然眼前一黑, 什麼都看不見, 聽到有人聲, 但好似隔左一層咁., 腦袋好空洞, 之後覺得暈...那一刻, 我心想, 如果呢一刻就咁暈左, 會好瘀...由於我乜野都睇唔到, 只可以用手抓住food cart, 企係度...等到自己再睇到野為止, 我想我應該企左大慨一分鐘...開始好了點, 見到暗黃的機艙, 見到面前那一行的客都望住我, 佢地的眼神好奇怪, 好似想問我點解派派下餐停左咁...幸好沒有同事知道, 而我繼續派埋d 餐去...

回到galley, 立即飲好多甜野, 因為仲有個回程要做, 點都要捱下去啊!

回程, 夾著有些香港人, 還有很多小朋友...見到佢地, 真係羨慕, 咁細個就有得去韓國玩, 我到呢一刻, 都未正式係韓國走過....

首爾的天氣好差...降落的時候delay 左, 連回程都delay, 好多有 connecting flight 的乘客都好燥, 我心諗, 你燥, 我仲燥, 我差不多做左16 個鐘頭了...還要心平氣和解決你的問題...

不過坐我地公司機, 講真不用擔心, 因為我相信ground staff 一定會好盡力幫你地既...

回到香港都已經成11時 45 分...仲要帶著疲憊的身軀去追巴士...上到車, 很想打俾一個人, 但最終我都係冇打到...或者我呢一世, 都係走唔出自己的陰影....

幸好, 回到家, 收到安仔的問候同埋安慰, 令我的心好過一點...謝謝你啊, 真係唔明白, 點解我同你都咁坎坷....你都要保重身體啊!