工作外的傷

2007.08.03 to 04

第 285 次飛行

今次的飛行冇乜特別, 因為4 程都唔 full, 仲好順利, 老總又好人, 又遇過半年飛左3 次的同事, 總算有個伴行下街, 食下野...所以今次唔想多講inflight 的事了...

反而最令我不快就係返工前同埋放工後發生的事....

返工前, 如常坐巴士, 今次個司機都唔知點"ja" 巴士既, 佢一開車, 踩行油咁, 當時我準備去上層, 由於衝力太勁, 我盤骨個鎖位撞到條柱正一正, 仲"碰" 一聲, 我除左講左句粗口外, 個鎖位係痛到眼淚都標!  足足痛左成個鐘...之後好似冇乜野咁, 點知係機上工作中, 開始又忍忍作痛....到左今日返到香港, 到我而家打blog 呢一刻, 仲好痛囉...我打算complain...

另外, 今晚放左工, 同家人dinner, 食食下, 又出事...食京都骨, 一向個d 骨都大大舊, 點知大骨外, 我特登揀左舊細既食, 點知食食下, 係我唔知道的情況下, 咬左細骨...條骨真係好細, 細到可能吞左都唔知囉...而咁o岩, 大力咬到細骨既係一隻仲未甩的乳齒 (話說n 年前, 照過x 光, 牙醫話我左右兩隻臼齒都仲係乳齒, 而牙肉內根本冇恆齒的...所以如果隻乳齒甩左, 就即係冇牙生出黎...) 我那隻乳齒一咬, 除左係咁流血, 隻牙仲好似就甩咁...家人立即研究點搞我隻牙, 扯出黎又唔係...唉..最後決定係由得佢...但因為這樣, 加上巴士上受既傷又好痛, 這次我哭了... 仲有...如果甩左隻牙, 點見人喎!  

但最想不到, 細妹竟然偷偷sms 仔仔, 向他說我的事...而仔仔睇完 sms, 再打番電話黎, 前後都冇兩分鐘....聽到佢咁鬼緊張, 雖然我怪責細妹點解打電話俾仔仔, 但其實睇到仔仔咁緊張我, 我的確係好開心.. 太后仲話要加分添...

唉...呢一刻, 隻牙都唔知想點...但由隻牙出事個一刻起, 我乜野都唔想再食...聽日又要早機...真係唔知會唔會講講下野隻牙甩鬼左...好驚呀!