心聲

2007.08.07

第 287 次飛行

好多時係工作中, 見到乘客的表現, 同埋聽到佢地既說話, 我都好想同佢地講d 野, 但無奈係 service industry, 我心中的說話..又唔可以講出口喎...

乘客登機的時候, 有位婆婆要利用拐杖走路, 而因為安全的理由, 我就同佢講支拐杖係起飛同降落都要放上行李櫃內, 點知婆婆的反應係..."放左上去, 我驚一陣我唔記得拎喎!" 個一刻, 我好想笑...心想: 婆婆, 你起身要行的時候, 就自然會記得要拎拐杖啊..."

話說今次呢隻機一向個冷氣都好鬼死凍....唔好話d 客覺得凍, 我自己工作中都覺得凍, 佢地問我拎 blanket 都係好正常, 但有樣野我好唔明, 你自己凍, 你拎完blanket, 你又走去俾左人地....之後再問我地拎多張 blanket, 那時我地做左one man cart service, 要拎俾你都得, 但真係要等等...因為我唔可以離開我的 cart...點知你就話: "我唔等得架啦! 我d 鼻水流緊出黎..." 你仲要用隻手兜住d 鼻水... anyway, 最後我泊番個cart, 拎左張 blankets 俾佢...佢又走去俾左人? 最後我又俾多張佢....我真係想同佢講: " 你自己流緊鼻水, 你就顧掂你自己先啦!" 事後同阿姐講番呢件事, 阿姐一聽就知係邊個客...原來呢個客都同問過阿姐拎 blankets, 阿姐仲要特登去 business class 拎俾佢...

又話說去同回程好多 ptv 都壞哂, 一係個畫面 upside down, 一係就blank 哂...reset n 次都係咁...最後成個system 都reset 過, 都一樣唔得! 但d 客係咁同我講: " 個tv 又唔得啦.." 我唯一可以做既, 就係幫佢地reset 一次又一次...但其實我好想同佢地講: " 依咁既情況, reset 幾多次都冇用.." 有客發脾氣說:"點解唔tv 壞哂仲俾人上機?" 其實 on ground 時, check 過係冇問題...不過on ground check 到冇問題唔代表起飛後冇問題的....我心想: 如果壞左tv 就唔俾你地上機, 你地今晚一定番唔到香港囉....唉.........而老總亦因為 flying hour 唔夠 5 個鐘, 所以係唔洗賠 voucher...真係多謝哂, 唔係我又會做到半死...

呢次關西即日來回, 來回差唔多全部係 香港人...比起我平時serve 的香港人, 今次呢班真係串串地...當然亦有好多很好同埋好體諒我的香港人....不過 ptv 一壞, 個service 做得幾好都冇用....

連飛左5 日...代價最大就係因唔夠訓, 同埋太辛苦(程程都full 咁濟), 而出現皮膚敏感, 同埋眼紋的問題...嗚................