上堂日

2007.08.24

今日上左公司為我地員工"度身訂造" 的 ppw - premium product workshop...最開心既係, 教我地既, 不再是老總, 亦唔係紫姐, 而係紅姐!  感覺上都輕鬆好多, 老實講, 老總有幾可會係機上做service 呢? 所以由紅姐教係最好!

上午主要係教新機艙 product, 座位一些新設的功能...又教我地點派 tray, 點收tray...等等...雖然上午的時候有得practise 一下, 但我已經覺得好悶啊!

中午 lunch 的時候, 因為自己唔餓, 又冇乜胃口, 加上唔想食到飽飽, 下午更眼訓, 所以我決定乜都唔食...

下午坐係度聽書...然後又係 role play 時間, 今次仲有部 video cam 影住...好彩我冇被抽中...講真, 我真係好憎role play, 雖然我唔可以話公司教既野冇用...但講真, 係 inflight, 用得著的機會真係好少...同埋我試過用, 成效唔大囉! 話說上年有上呢類型的workshop...公司教如果冇哂main course 的 choice 應該點同d 客講...有一次, 我試下咁講: "chicken rice is quite popular today and it's no longer available..." 點知個客說:" what???" 唉......之後點...相信我唔洗講, 大家都估到..都係俾個客 xyz....

點都好, 講到最後, 我都明白公司想帶出的意思...

照樣, 回家的路上, 我又大覺訓...