死去活來! (起飛前)

2006.06.07

第 176 次飛行

大家睇完以下的文字, 就會知道點解我會話呢班機死去活來...

首先就係唔知點解, 呢幾日我條尾勞骨忽然痛起來, 到了今日, 仲痛, 雖然沒有對誰說過, (畢竟說出來都無補於事), 但我是有點擔心, 痛的時候, 我就諗番係唔係之前inflight 整親呢? 我番工的時候, 好多時整親自己都唔知道, 又或者整親後, 覺得應該冇乜大礙, 不了了之, 係到回到家後, 見到身體有d 地方有成隻手板咁大的瘀痕, 又或者夜晚痛到起身的時候, 先知自己有大鑊...

 anyway, 小小痛楚我忍得到, 我要堅持, 反正一工作, 我可以忘記所有痛楚...

今次呢個老總之前同佢飛過, 覺得佢冇乜問題, 但今次同佢飛, 完全令我改變哂對佢的睇法...

 當全世界係 briefing room 等緊 briefing 的時候, 佢就叫所有 bc (我地做細, 最低級既) 出去一陣, 因為佢要做一個section leader briefing先, 其實我飛左咁耐, 我知有d 老總都會要叫哂d bc 出去外面等, 等老總同d 阿姐阿哥做左section leader breifing 先.. 但唔代表那些老總麻煩既, 我會咁睇, 每一個人都有佢地唔同的briefing 手法...anyway, 我地成7 個女仔係出面等呀等, 等呀等, 等左成20 分鐘, 似乎多了點...我地係出面都覺得呢班機忽然多左點壓力, 而我個腦海就係度諗: 上次同佢飛都ok 架喎! 唔通我記錯左??

 等左20 分鐘, 我地終於有得入番 breifing room, 完成餘下 5 分鐘的briefing.

係boarding 開始左冇耐的時候, 有個女人一上到機, 就嘈其中一位同事: " 點解我個overhead locker 俾人放左野架?" 個位同事好好人, 話:" 你既行李亦可以放係呢度" , 呢個時候, 呢位同事指住隔離個overhead locker, (順帶一提, 因為o岩o岩boarding, 所以有成99% 的overhead locker都係騰空的) 點知個女人又話: " 但我個overhead locker 俾人霸左喎! 邊個霸左我既 overhead locker?" 之後個同事又再講: " 你可以放係呢度", 點知個女人仲嘈: " 叫佢(即係霸左佢個overhead locker 的客) 俾番一半位俾我!" 唉, 點叫個客俾番一半位佢呀??

 到左呢個時候, 我睇唔過眼, 就同個女人講: "冇話邊個overhead locker 係邊個, 所有的位置你都放得行李.." 之後個女人嘈我啦, 話: " 呢個overhead locker 寫左我個座位number, 即係呢個overhead locker 就係我既! 你點可以話呢個overhead locker 唔係我???"

 唉, 我冇氣, 尤得佢自己一個人係度吠...結果佢嘈咁耐, 米又係要佢個仔放係其他騰空的位置呢! 佢個仔同我地講唔好意思, 而事後, 俾我同那位同事發覺佢個仔智商係有少少問題, 忽然間, 我有點明白個女人的心態...

今日個safety demo video 壞左, 成set 同事都要做live demo, 做唔係問題, 但最怕就係做做下, engine 一動,  呢個時候, 大家就要走番去自己負責的door 去armed door, 最慘就係我地做live demo 的位置大多數都係同我地做live demo 的position 唔同既, 真係走死人!

 但今次就好特別, 我地做到life jacket 的時侯, engine 開左啦! 我知道係 armed door 的時候, 呢個時候, 老總打電話黎話: " door 1 armed the door first, and then i will come and armed the door one by one..." 我心諗, 我有冇聽錯??? 好彩我唔係一聽到佢個call 就 armed 個door 者, 所以睇到呢一段的同事們真係要小心, 真係要聽哂老總講既野先好armed door 呢! 之後 老總真係遂個door armed, 有時我會諗, 咁做係唔係真係得呢? 但我都唔理得咁多啦...做埋我個live demo 先...

起飛後, 仲精彩...

待績...