死去活來! (降落前)

2006.06.07

第 176 次飛行

起身後, 我既同事又帶來一個令我震驚的消息! 就係, 我勁多order 呀! 全部都係俾 voucher!

 我一入galley, 佢地就話: " xxx, 你唔駛做第2 個service 啦! 全世界扢緊你!"

之後佢地俾左好多 voucher 的order 俾我, 仲笑住話: " 你而家駛唔駛開機門逃生呀?" , 我就話:" 我真係想...而家就跳出去 evacuate!"

結果頭等有個阿姐落左黎幫手, 而我最後真係唔想做service, 剩係賣bar 都得啦, 我整個cabin 忙碌及飛快地穿梭著, 忙到死...

佢地做完 service, 我都未搞掂, 鬼咩? d 客又要計到 50 美金o岩o岩好, 我又要計佢地要貼幾多錢出黎, 有d items 又賣左, 搞左一大輪, 我最開心就係我勁迫佢地買買買, 貼錢貼得越多越好! 因為我而家只係賺得佢地貼錢出黎的commission 咋! 加上service 後, 頭等阿姐又幫我手deliver d products, 所以個流程smooth 番好多啦, 終於係降落前, 叫係搞掂哂啦!

 有d 勁遲先order 的客, 我就賣唔到啦! 最後, 我個cart 的底層的products, 差唔多清哂!

 後黎我番左酒店, 計番條數, 公司係呢班機足足賠左around HK$13000 , 仲要係有d 客既 voucher 未用架...所以要賠的數目可能會更多, 有時我會諗, 如果公司生性d, 整番好d video, 又會慳番唔少錢囉!

最後我係差唔多成程機都冇食過野...只係land 左之後, 係阿哥的勸導下, 食左幾淡...

終於去左LA 啦! 快快脆脆送走哂d 客, 我終於可以放鬆落黎啦!

呢班機唔用"死去活來"黎形容, 我都諗唔到可以再用乜野詞語黎形容好啦!