死去活來! (飛行中)

2006.06.07

第 176 次飛行

有一段時間, 得我自己一個係galley, 忽然有個客入黎同我講佢朋友又嘔...我一聽到, 就大慨估到係邊個, 其實之前已有兩位同事同我提過下有個客成日嘔, 但我冇為意, 加上我連個客係邊個都唔知...anyway,因為個客同我講佢朋友又嘔, 所以我就叫個客帶我去睇下佢朋友點, 點知我地係 washroom 見唔到佢, 真係有點嚇親, 因為個客同我講佢朋友都幾嚴重, 萬一佢朋友唔知走左去邊, 又冇左知覺的時候點算呀?? 之後我地搵左一陣, 終於係另一個washroom 搵到佢朋友, 鬆一口氣...

 但件事仲未完...

我問佢朋友有d 乜野唔舒服, 佢就同我講近 stomach 個位有pain, 同埋覺得暈, 一飲親水就會嘔, 見到佢個樣唔多妥, 我就叫佢係door5 連住4 個 crew seat 個度訓住先, 俾埋pillow 既野俾佢, 因為當時有一半同事去左休息, 而另一半的同事又忙下個meal service 的事, 所以我覺得搵老總係最可行的方法, 於是我叫個sick passenger 的兩位朋友(其中一個就係頭先入黎話我知佢朋友嘔那個) 幫我睇住佢先, 我再由door 5 行去door 2 搵老總, 老總就叫我用fainting treatment 的方法先, 佢一陣再上黎睇(因為佢個時仲忙緊 voucher 的事宜)...幾經辛苦先搵到多d pillow 同 blankets, 同埋墊住佢對腳的handset bag, 等佢d 血倒流番去佢個腦度, 同埋prepare 埋d oxygen bottle, 以防萬一, 然後我再問那個病人究竟仲有乜野唔妥, 同埋佢本身有冇d 乜野病, 佢先話佢自己係 diabetic...

 之後佢d 朋友問我可唔可以 page doctor 同埋機場有冇醫院, 我話我地可以page doctor 同埋真係有需要時, 係可以叫救護車係機場等...不過一切當然要老總同captain 下命令啦!

 搞到七七八八後, 老總落到黎啦, 聽完我講既野, 同老總自己的判斷後, 佢係叫我去沖杯sugary drink 俾個客飲既, 但我又唔明, 雖然個客係diabetic, 但佢一飲水就嘔, 點解仲要俾佢飲呢? anyway, 老總話要就要, 我就去整, 整完, 個客飲左, 起初仲好地地, 所以老總collect 哂個病人的info 就話上去搵captain, 叫我睇住佢, 點知老總走左冇耐, 個客又嘔呀!!!!!!!!!!

 好彩我之前預早prepare 左個大大的plastic bag 者..

 

我等呀等, 等呀等, 再make sure 個客仲有知覺, 呢個時候, 忽然有兩位自稱醫生的人黎到, 原來老總經announcement page 左doctor, 但因為我係door 5 area 太嘈聽唔到者, 個醫生睇完之後就同我講, 要求要醫生既用具同埋有d乜野 medication 可以用到, 於是我就叫另一位同事拎個doctor's kit, 等左一陣, 佢番黎時, 我覺得好訝異, doctor's kit 應該係一個箱(for medication)加一個orange pouch (for診斷用既), 但個同事只係拎左個pouch 俾我, 咁我就問佢:" 個箱呢?" 同事就話老總只係俾個pouch 佢...

 我聽完之後, 激死左,

好心老總佢啦! 要俾就俾哂, 唔好俾d 唔俾d 啦! 就算開左個pouch, 唔開個箱, 都係要寫個medical patch checklist 架啦!

 咁點解唔俾哂成個doctor's kit俾醫生呢? 我開始頂個老總唔順, 但又要忍住喎, 呢個時候, 老總又番番黎啦, 我就好聲好氣同佢講個醫生要用有 medication 的box 呀! 老總先肯俾個同事去拎...唉, 冇啦啦又做多樣野, 一早俾個同事拎哂米好囉!

呢個時候, 我睇得出個病人好辛苦, 同埋休息中的同事已經開始陸續番黎啦! 個個都問我做乜事, 我只係約略講下..冇耐, 我同那位同事的休息時間到了, 於是老總叫我地去休息先, 但那位同事唔想走咁, 佢覺得咁樣走唔係咁好, 我開解說, 去到呢個時候, 已經唔到我地控制範圍內, 就算我地唔走, 都冇乜野幫到手, 同埋我地之前要做既野已經做左, 幫左佢好多架啦!

 加上而家又有咁多同事休息完番黎, 接手繼續, 我地就好好休息一下先啦! 我地仲要做第2 個service 架!

 之後我地兩個就上左crew bunk 訓啦...

今次呢班機, 有樣野唔做得既就係, crew rest 時, 老總唔俾我地帶水樽上 crew bunk, 佢話:"don't u think the "pop pop" sound of the water bottle is so disturbing when u guys drink the water?", 但我冇理佢, 我照帶...呵呵!

 但最諷刺就係, 我同老總都未休息完, 樓下個sp 忽然把聲成個巨肺咁, make 個announment 去 page doctor, 搞到我地crew bunk 的人醒哂!

當時我地仲有個半鐘先休息完, 老總話水樽的聲會嘈, 唉, 而家個annoucement 仲嘈啦! 呵呵!

題外話: 呢d first aid 事宜, 我已經唔係第一次見過, so far 我記得既就有兩次, 一次就係個客係washroom 暈左, 咁o岩我位置係最適合俾oxygen 個客(用 oxygen bottle), 所以由我去整..第2 次, 就係得我自己一個on duty 時, 有個客一企係身就暈左, 因為佢至少有成百五磅重, 所以個次真係要搵另一個客幫手,將個客搬去個galley 度, 我apply 左 1 st aid 後, 再搵人黎睇..而家諗番起, 真係幾難忘下...

班機仲未完架...!

待績...