黎基戀?!

2006.06.01

第 174 次飛行

今日去機場的路又大塞車呀!!!

 好彩冇好似上次係 frankfurt 塞得咁緊要者, 唔係一陣又唔夠時間做ground preparation 架啦!

其實今日有點激氣, full loading 機都ok, 但唔知點解今日後面的同事比昨日的速度慢左好多, 我同我classmates 由第一行燦到去 door 4, 佢地都未上到黎, 我地成個galley 既野都派哂, 一時間真係有點無奈, anyway, 最後都順利完成任務...

見到個topic 係 "黎基戀", 唔知大家估唔估到今日有乜野特別事呢?

 等我話俾你地知啦! 話說今日做做下 service 的時候, 老總(唔係香港人) 走上黎話kenny 同佢女朋友坐左係商務客艙, 我一聽完, 就覺得怪啦! 因為 (1) 以我所知, kenny 應該冇女朋友 (2) kenny 係英皇既, 又點會有女朋友... 事後, 有同事去睇, 原來係 黎明 同 樂基兒呀! 乜佢地唔係分手咩??? 原來係煙幕...

 因為我有幾個order 都係商務客艙的客, 所以我有多d 機會上去睇下佢地兩個, 不過唔知係個cabin 太黑, 定係佢地兩個唔顯眼呢, 我睇到第3 次先見到...

黎明真係肥左, 樂小姐同佢拼埋, 就真係好小女孩咁..

 不過我見到佢地的時候, 佢地訓緊覺..

到差唔多落機的時候, 我classmates 提議去前面"thank you for the flight" , 話就話thank you, 其實佢想去前面睇多次, 因為佢收到風佢地o岩o岩醒左..哈哈!

 咁還掂我又要還番條key 俾老總, 所以我又上埋去..不過, 都冇乜特別...

回想起, 自己做左呢份工, 都唔算見過好多名人...而以下就係我見到的幾位..

1. 張學友
2. 余文樂
3. 馬德鐘一家
4. 我個姊妹葉璇

5. 蔡爛

6. 黎明 & 樂基兒

7. 一班區議員(我淨係認得陳婉嫻 同 "臭坑出臭草" 個位, 但已唔記得佢叫乜野名啦!)

8. 仲有一d人識我唔識的名人...哈哈! 但我唔記得左佢地既名lu...

但唔講唔知, 我最怕係見到明星喎!