2006.06.14
第三站 - 龍環葡韻住宅博物館
經過一輪兜路, 我地終於落o岩左個站...忽然我想講講澳門的司機, 你話佢地服務態度唔好又唔算, 起碼d 乘客上車問佢地經唔經某某站, 又或者問司機到那個站未, 佢地都會答你既, 但佢地答得黎, 係好唔願意個隻..anyway, 我的要求都唔算太高, 總之d 司機冇教我落錯車就得啦!
係岸邊到氹仔個邊大慨係半個鐘的車程, 當我地落車時, 那條街只係一條細巷, 其實望下周圍, 真係唔覺有乜野特別的地方好睇, 結果我地又要上少少斜路, 終於見到我地想去的 "住宅博物館" 啦!
裡面有幾幢建築物, 全部都係土生土長的葡式大宅裡面只有一幢係可以免費入去參觀, 就係結婚等侯室...而個度的staff 係我呢兩日遇過最有禮貌的人..
而下面呢張相的心心放置左係等侯室既, 我一見到真係鍾意死呀!
我都好想收到這樣的花花心心...
至於其餘的建築物(下圖), 平時入場就要5 蚊, 一到星期日就免費入場, 因為就算入左去都冇得影相, 所以我地結果都冇買飛入去睇啦! 但淨係睇出面的建築物同周圍的環境, 我已經覺得夠哂數...
因為呢度的環境真係唔錯, 所以又有一對新人係度影婚紗相啦!
其實係呢度影好過係大三巴度影啦! 呢度d 景又靚, 又歐式feel, 最重要既係...冇乜人麻!!!
不過我地兩個去到邊, 對新人又去到邊, 搞到好似我地成日阻住人地影相咁...
下面呢3 張, 都係住宅博物館內的景色...大家認為怎樣呢??
大家結婚時不妨諗諗...
行完的時候, 都成6 點啦, 係時候出發今日最後的目的地...
第四站 - 澳門旅遊塔
其實今次黎澳門的洗費並唔係好貴, 相信用得最多錢的地方就係呢度啦! 因為我地打算係度食埋個晚餐, 所以俾左成$275, 其實入場費只係$50 咋! 雖然係貴, 但我地冇後悔...尤其是上到個塔之後, 更加覺得呢 275蚊係抵既...
我地上到60 樓, 一行出去, 就睇到成個澳門, 但有樣最失望的地方就係個海係黃啡色囉!
睇黎已經被污染左好耐啦!
我心諗, 如果香港d 水變成咁, 旅遊的生意一定會一落千杖!
除左60 樓, 下面仲有一層都可以參觀的, 唯一分別既就係60 樓係露天, 同埋可以參加一d 刺激性的活動! e.g 係個塔上面行咁, 我地去到的時候, 咁o岩有幾個人就係準備玩呢d 活動..至於下面個層, 就係有空調既, 其實都冇乜大分別, 但就當然有冷氣舒服好多啦!
btw, 原來最高的塔係多倫多的CN tower 呀! 忽然間好想去添!
眨眼間, 6 點半! 開餐啦! 仲以為會好多人, 點知人不是太多, 咁都好既, 我地先有機會坐窗口的位置麻!
講番點解我個俾個$ 275 蚊抵.. (1) 因為d 野食真係好多完化, 同埋有番咁上下水準... (2) 就係, 一到深夜, 我地就唔駛再睇到黃啡色的海水啦! 哈哈! 大家睇下下面個張相, 係地靚好多先呢?
不過同香港比夜景, 澳門真係仲差好遠, 香港的夜景真係好靚
, 我都覺得好自豪啊!
第五站 - 關閘
我同黑摩里都食得好盡! 加上又傾下心事, 搞到成10 點先走...我地都打算快d 番酒店, 因為今日的行程真係令我地很累..曾經有幾架巴士我地以為都番到新馬路個邊, 點知好多司機都話唔經, 到後來我地終於搵到架經既時候, 有d 意外就發生左啦! 我地同個司機講新馬路幾時落(因為太黑, 好難睇到係邊度落車), 點知個司機到左冇同我地講...結果過左好耐, 我地都覺得怪, 冇理由咁耐都未到麻! 架車仲要兜左好多小巷, 最後我地問d 乘客, 我地果然係坐過左站呀! 而呢架巴士的總店仲要係澳門最北面的關閘! 個度過多一條邊境線, 我地就會去左珠海啦!
係呢個時候, 我就建議坐到總站, 因為 (1) 還掂都俾左錢坐車 (2) 天黑啦, 如果我地係是旦一個站落, 仲難搵到巴士番酒店呀! 去到總站就唔同, 因為一定有好多巴士o岩我地搭番去! (3) 加上天黑, 如果是旦咁落, 仲要係小巷既話, 真係幾危險喎! 最後我地去到關閘, 所有乘客都一早落哂車, 剩係得番我地, 黑摩里就上前問個司機, 邊一架巴士番去新馬路係最快既, 呢個時候, 個司機就話: " 乜你地唔係係新馬路落左車咩???" 廢話呀! 我地而家係你面前, 仲好講?!
anyway, 佢都算好, 最後真係講左架勁快的巴士番到新馬路, 而呢架巴士仲有埋"下一站係..." 的廣播, 真係好過頭先個架多多聲呀! btw 我同黑摩里跑去追車的時候, 都差d 踏中車前一攤嘔吐物呀!!! 當時我無意中見到, 但又停唔切, 終於我就突然咁大力跳過去,好似跳遠咁,而係我身後的黑摩里又夠醒, 見我唔知點解跳, 佢又跳埋一份..之後我地就嘻嘻哈哈咁大笑...而家再諗番起, 都覺得好好笑...呢d 回憶真係難忘呀!
幾經辛苦, 我地終於番到酒店...以下呢張相就係我地坐番黎新馬路經過既議事亭前地既夜景啦!
雖然我地兩個都趕住番到酒店, 但見到呢個景, 死都要影埋先走..哈哈!
番到酒店都差唔多成 12 點, 因為咁樣, 我地足足遲左成個鐘番酒店...講下間房先, 幾乎乜都有呀! washroom 又勁大! 感覺好舒服, 只有兩樣野要投訴, (1)仲諗住番去睇波添, 點知一開個電視機, 乜都冇呀! 職員話整緊喎! 點知整完之後, 我地房的電視仲有好多雪花呀! 真係掃興!
(2) 就係個bar位, 我見到有白糖, 有黃糖, 但就只係見到中國茶的茶包, 於是我打落去問啦! 點知佢地一個推俾一個部門, 而我最後得到的答案就係: "我地只係得中國茶包..." 唉, 咁又點解要擺d 糖係度呢???
裡面有幾幢建築物, 全部都係土生土長的葡式大宅裡面只有一幢係可以免費入去參觀, 就係結婚等侯室...而個度的staff 係我呢兩日遇過最有禮貌的人..
至於其餘的建築物(下圖), 平時入場就要5 蚊, 一到星期日就免費入場, 因為就算入左去都冇得影相, 所以我地結果都冇買飛入去睇啦! 但淨係睇出面的建築物同周圍的環境, 我已經覺得夠哂數...
因為呢度的環境真係唔錯, 所以又有一對新人係度影婚紗相啦!
行完的時候, 都成6 點啦, 係時候出發今日最後的目的地...
第四站 - 澳門旅遊塔
其實今次黎澳門的洗費並唔係好貴, 相信用得最多錢的地方就係呢度啦! 因為我地打算係度食埋個晚餐, 所以俾左成$275, 其實入場費只係$50 咋! 雖然係貴, 但我地冇後悔...尤其是上到個塔之後, 更加覺得呢 275蚊係抵既...
除左60 樓, 下面仲有一層都可以參觀的, 唯一分別既就係60 樓係露天, 同埋可以參加一d 刺激性的活動! e.g 係個塔上面行咁, 我地去到的時候, 咁o岩有幾個人就係準備玩呢d 活動..至於下面個層, 就係有空調既, 其實都冇乜大分別, 但就當然有冷氣舒服好多啦!
第五站 - 關閘
我同黑摩里都食得好盡! 加上又傾下心事, 搞到成10 點先走...我地都打算快d 番酒店, 因為今日的行程真係令我地很累..曾經有幾架巴士我地以為都番到新馬路個邊, 點知好多司機都話唔經, 到後來我地終於搵到架經既時候, 有d 意外就發生左啦! 我地同個司機講新馬路幾時落(因為太黑, 好難睇到係邊度落車), 點知個司機到左冇同我地講...結果過左好耐, 我地都覺得怪, 冇理由咁耐都未到麻! 架車仲要兜左好多小巷, 最後我地問d 乘客, 我地果然係坐過左站呀! 而呢架巴士的總店仲要係澳門最北面的關閘! 個度過多一條邊境線, 我地就會去左珠海啦!
番到酒店都差唔多成 12 點, 因為咁樣, 我地足足遲左成個鐘番酒店...講下間房先, 幾乎乜都有呀! washroom 又勁大! 感覺好舒服, 只有兩樣野要投訴, (1)仲諗住番去睇波添, 點知一開個電視機, 乜都冇呀! 職員話整緊喎! 點知整完之後, 我地房的電視仲有好多雪花呀! 真係掃興!
結果我係雪花中睇世界杯...
但最後個場我都頂唔順啦! 要訓..
待續...
No comments:
Post a Comment