無奈

2006.06.23

第178 次飛行

日本機, 我一向都好鍾意做...但有時我都有我的憂慮, 日本人, 大部分都好易satisfy, 但一 dissatisfy, 就會比一般客難搞好多....

 

去個程light loading...但我成日都話light loading 唔代表個班機一定好易做..有時咁o岩係你機上的客難搞, 就係難搞啊! 就好似呢程, 好多客都好遲先上機, headset, blanket 呢d野, 我一早派完...當然, 如果我見到有新的乘客登機, 我都會特登走埋佢地度, 俾 headset 同blankets 佢地...但我又未必個個都睇得哂麻! 之後, 可能佢地會話我點解人有佢冇...唉...之後有d 野叫"衰開有條路"...咁o岩service 的時候, 去到那個客人時, 又冇哂佢想要的choice...好明顯, 佢個樣係勁難睇, 而我個樣就係勁唔好意思...之前所有同事都同我講話冇哂d choice, 點知最後冇啦啦又走番隻雞出黎, 真係激死我!

 不過我估個隻雞應該係 crew meal release 出黎架啦...又要 release crew meal 啦....

 最後我地只係有得食勁 "聲" 的fish rice...

番黎full load, 同頭先比, 今程既明顯係好好多! 香港人好多, 但佢地個個都好nice...有時好多同事都話香港人難搞, 麻煩, 冇禮貌...我覺得...我點對人, 人地就會點對番我地...就算我對佢地好, 佢地對我唔好, 冇禮貌, 呢d 係佢本身人格的問題, 唔可以代表哂d 香港人既...今日班香港人, 成日唔該我前, 唔該我後, 我覺得好開心架! 不過成日聽同事講得多香港人的唔好, 搞到今日我見到成班香港人登機時, 都有d 怯啊!

反而今日我遇到最無奈的問題就係來自一位日本人...

 話就就黎take off 的時候, 我見到佢有支walking stick 係手中, 因為 safety reasons, 個支野一定要放係overhead locker 度, 咁我已經好有禮貌咁同佢講, 佢起初唔係好肯, 但我再講多次, 佢就ok, 俾我放係上面..之後我做cocktail service, 我就見到架姐同個日本客密密傾, 大慨係個日本客其實想坐係bulkhead 個d 位(即係每一個機艙最前的一行), 但今日我地班機full load, 所以冇可能安排到個位俾佢, 唔知係唔係因為咁, 佢就黑面, 其實之前我叫佢放支野上個locker, 我都feel 到佢唔係好like 我, 不過我咋睇唔到...之後做meal service, 問佢食乜野meal, 佢話唔食, 咁好啦, 佢唔食, 我又好有禮貌咁問佢飲唔飲野, 點知佢又係黑面...

坐係佢隔離個女人就好好多, 有答有笑...

 到最後, 我地要降落時, 要做pre-landing check, 我又再一次叫佢放支野上番個櫃度, 今次, 佢好狠咁同我say " NO!!!"

 佢個黑面樣, 我真係睇夠, 同驚夠, 我心諗 " 我有做錯咩? 我究竟有乜野得罪左你, 你要咁對我?????"

 個一刻, 我發覺自己唔可以咁同個客咁鬥落去, 於是我番去搵個架姐, 同佢講成個過程, 同埋我做過d 乜野...之後我個紫姐都知道埋(因為今日好多紅姐port sick, 所以 紫姐downgrade 左做紅姐, 而個架姐係 FD flight) 架姐同我講完全唔關我事, 而最後我係搵左我partner, 叫佢幫我叫個日本客將支野放番上去...事情先告一段落...當降落左之後, 紫姐叫我上去前面幫佢拎番支野落黎, 等佢順番條氣, 結果我當然照做, 我將支walking stick 交俾佢個刻, 佢個表情好似好左少少...我都覺得有d安慰, 但有千千萬萬個無奈...

 佢係一個好典型的日本男人, 又係我最怕個隻...日本男人, 最唔鍾意人地睇低佢, 但我地完全冇, 我地只係做好自己本份而已...係佢自己成日諗埋去壞的方面...

終於番工啦...好多時, 機上發生的事都會好影響自己的情緒, 不過, 我只希望快點忘記...迎接下班機的來臨...

p.s 今日家兒同我講過個架連cover 都冇的door, 係我operate 的機上, 都發現同一情況...不過應該唔係佢講的那架機...