2006.06.14
今日帶著去散心的心情, 坐10 點鐘的船出發到澳門去! 其實都有d 唔開心架, 心諗, 早知個結果係咁, 我寧願去日本, 唉, 而家後悔已經太遲了...
大約11 點, 我同黑摩里就到左澳門啦!
想不到佢係第一次黎喎! 而我自己就應該有成10 幾年黎啦, 以我記得, 上次我去澳門的時候, 仲讀緊小學咋!
其實今次我地都冇話有乜野地方想去既, 一切都係隨緣吧...
第一站 - 新馬路-->議事亭前地-->大三巴-->天主教藝術博物館-->大炮台-->澳門博物館
第一站 - 新馬路-->議事亭前地-->大三巴-->天主教藝術博物館-->大炮台-->澳門博物館
出左碼頭, 我記得妹妹講過, 去邊度都好, 最好就係去左新馬路先, 因為個度有好多唔同路線的巴士坐, 於是我地就出發去左新馬路先, 由此我地坐個架車都幾兜路, 所以坐左成半個幾鐘先去到新馬路...
一落車, 我地就見到呢度 - 議事亭前地...
唔好見張相好似冇乜人咁, 其實係我幾經辛苦等佢地走哂先影到一兩張相...
大家見到上面呢張圖, 右手邊黃色的建築物竟然就係蔡爛美食坊, 之後再行上d, 就係一連串名店, 對於我黎講就冇乜特別, 因為呢d 名店, 香港都有好多...於是我地繼續沿住一條又一條的斜路上去, 終於見到能代表澳門的名勝 - 大三巴!
以上呢張相, 已經係冇咁多人的時候影架啦! 之前真係勁多人呀! 有成幾個大陸旅行團, 差d 將成個大三巴遮哂...
當時仲有一pair 新人係度影緊相, 今日的天氣真係好熱, 我同朋友上到大三巴時, 已經係大汗疊細汗啦! 心想, 呢對新人係度影相, 真係辛苦啊! 最慘就係影相的時候, 對眼點瞪大呢??
進入大三巴後面, 我地去左天主教藝術博物館, 個度就冇乜特別, 反而最開心就係裡面的冷氣令到我地唔想番出黎啊!
參觀完, 我地有兩個選擇, 一係去隔離的澳門博物館, 一係去大炮台, 最後我就提議, 不如去左大炮台先啦! 黠知我地只係行左一半, 就有點後悔, 因為我地行極d 梯級都未到呀!!!
當時真係好曬, 不可以唔休息一下, 再上路, 終於都到左大炮台...大炮台都係得個睇字, 但不由得不想, 以前d 人要上到咁高先開到支大炮, 真係好佩服佢地的氣力! 仲有不得不提, 我係大炮台參觀時, 好多黑狗係度經過, 仲要係大大隻...
搞到我都有d驚..
行完大炮台, 我地就沿住澳門博物館, 番落去大三巴, 依然都係好多人喎!
當時, 已經差唔多到兩點酒店的check in 時間, 於是我地決定沿住新馬路, 到酒店先...差唔多到酒店的時候, 因為太餓了, 所以我地就是旦搵左一間茶餐廳食個牛腩麵, 再去酒店...今次我地選擇的酒店係新開張的 "英皇娛樂酒店", 貪佢近馬路, 價錢又唔貴
但有樣野失望就係, 個職員竟然話俾我地知, 我地間房未完成清潔呀!
於是我地只好寄左d 行李先, 再出發去觀光 !
第二站 - 媽閣廟
放低d行李後, 我地又去番新馬路, 但今次, 我地唔去北面啦! 我地南下! 哈哈! 當然, 又係我提議啊! 我認為, 真真正正的sightseeing, 最好就係行下d 巷仔, 搵下d 特別的地方, 於是我地係議事亭前地對面的東方斜巷進入, 唔知點解, 又要上斜路啦!
次次我同黑摩里見到d 斜路, 都會不約而同咁話: " o下! 唔係掛! 又係斜路?" 但我地講完後, 又會死死氣氣咁上去...哈哈!
中途, 我地見到幾多教堂, 可能本身有宗教信仰的關係, 所以一見到教堂都有點興奮, 同埋不同教堂就有不同的設計, 淨係逐間睇都有排你睇啊! 但我地時間並唔多, 所以只係係出面經過一下便算了, 以下就係其中一間..
可能我地一路傾, 一路行, 有時我地仲唔識死, 走去行馬路, 見到車黎, 就同對方講: " 車黎啦, 快d!" 就咁樣, 我地行左大慨20 分鐘, 終於到達岸邊的媽閣廟, 亦係我地呢條路的終點站
其實呢度冇乜特別, 都係俾人拜下神咁...不過呢間廟係澳門現存最古老的廟宇, 而呢個廟仲有另一個名字, 叫做"媽祖閣"..我地只係廟裡面, 行左一陣, 就因為頂唔順d 煙味行番出黎, 再到附近走走..無意中睇到呢架人力車, 好開心呀!
之前係澳門博物館都見到架, 但就唔俾人坐上去囉! 但以下呢一架就唔同啦! 個職員話可以坐下! 呢d 機會當然唔錯過得啦! 唔駛錢, 又有得坐喎! 呵呵!
到呢個時候, 只係四 點咋! 因為距離我地今晚想去的地方(旅遊塔) 既晚餐仲有成兩個幾鐘的時間, 咁呢兩個鐘空檔期點算呢? 於是我地就打開張地圖睇睇睇, 最後黑摩里提議話去氹仔, 我心諗, 唔係掛?! 我地會趕得切番旅遊塔嗎??? 雖然係咁諗, 但我本身都想去氹仔, 因為之前我諗住大家應該唔夠時間去埋既...既然而家有時間, 又有機會, 當然要去啊!
同埋我記得妹妹建議我如果去氹仔, 應該要去下個度的 "住宅博物館" ! 好啦! 出發過海啦! 下面呢張相係我過氹仔橋的時候影既! 當時的天氣開始麻麻啦! 睇下個天有幾黑...
一落車, 我地就見到呢度 - 議事亭前地...
唔好見張相好似冇乜人咁, 其實係我幾經辛苦等佢地走哂先影到一兩張相...
以上呢張相, 已經係冇咁多人的時候影架啦! 之前真係勁多人呀! 有成幾個大陸旅行團, 差d 將成個大三巴遮哂...
行完大炮台, 我地就沿住澳門博物館, 番落去大三巴, 依然都係好多人喎!
第二站 - 媽閣廟
放低d行李後, 我地又去番新馬路, 但今次, 我地唔去北面啦! 我地南下! 哈哈! 當然, 又係我提議啊! 我認為, 真真正正的sightseeing, 最好就係行下d 巷仔, 搵下d 特別的地方, 於是我地係議事亭前地對面的東方斜巷進入, 唔知點解, 又要上斜路啦!
可能我地一路傾, 一路行, 有時我地仲唔識死, 走去行馬路, 見到車黎, 就同對方講: " 車黎啦, 快d!" 就咁樣, 我地行左大慨20 分鐘, 終於到達岸邊的媽閣廟, 亦係我地呢條路的終點站
其實呢度冇乜特別, 都係俾人拜下神咁...不過呢間廟係澳門現存最古老的廟宇, 而呢個廟仲有另一個名字, 叫做"媽祖閣"..我地只係廟裡面, 行左一陣, 就因為頂唔順d 煙味行番出黎, 再到附近走走..無意中睇到呢架人力車, 好開心呀!
到呢個時候, 只係四 點咋! 因為距離我地今晚想去的地方(旅遊塔) 既晚餐仲有成兩個幾鐘的時間, 咁呢兩個鐘空檔期點算呢? 於是我地就打開張地圖睇睇睇, 最後黑摩里提議話去氹仔, 我心諗, 唔係掛?! 我地會趕得切番旅遊塔嗎??? 雖然係咁諗, 但我本身都想去氹仔, 因為之前我諗住大家應該唔夠時間去埋既...既然而家有時間, 又有機會, 當然要去啊!
待續...
No comments:
Post a Comment