忙

2006.06.10

第176 次飛行

仲以為個 loading 會有d 變化添, 結果都係全爆呀!

比起黎的時候, 我覺得好了點, 至少 video 再冇壞, 而我又唔駛收 voucher 先啦!

雖然冇左呢個問題, 但當然又會有新問題出現啊!

番黎呢班機上面, 有幾種人, 勁多越南人, 賓都有一部分( 比我想像中少), 美國人, 同少數的香港人...

可能d 越南人坐慣哂我地公司機, 所以一上機就話要 cup noodles.. 

 於是我地就同佢地講, 我地有 meal servce 架! 仲係立即 serve 呢! 唔係我地唔想俾cup noodles, 而係如果一開左第一個, 跟住全世界就會唔食第一餐, 而勁多人都會order cup noodles 架啦! 咁我地個meal service 就會遲遲都開始唔到呢!

幾經辛苦, 完成左第一個service,  ,原本一完左個service, 我就去賣bar, 點知老總唔俾我去賣呀!! 

 佢話d 客訓哂, 叫我唔駛去! 但我明明仲見到好多客都未訓麻! 點解唔俾我去喎???

 之後阿哥都建議我去一轉, 所以我都有行左一轉, 點知好衰唔衰, 撞見老總喎! 死啦! 佢叫我唔好去, 我而家又去左, 死梗啦! 於是我就同佢講: " 好多客話要買呀! 所以我要行一轉, sorry about that! " 就係咁...我就過左骨...

幾驚佢要 brief 我呀!

講下今日我地serve 乜野啦, 對於我黎講都幾吸引, 今次有 beef rice, baked salmon with potato 同 pasta...最吸引我就係第2 個choice - salmon 呀! 我做左咁耐, 第一次見到咋...haha! 

 好鬼想試, 但都要做完第一餐先..

 起初我就話俾d 客聽我serve beef with rice, fish with potato 同 pasta, 點知好多人都要beef rice, 當我見d beef 冇乜既時候, 我就轉一轉d 字眼啦! 我話我serve beef with rice, BAKED SALMON with potato and pasta..個個一聽到baked salmon, 對眼就發光! 

 諗番起都幾好笑, 就係咁, 第一個service 所有客都有佢地喜歡的choice 呢! 

 同埋證明左一樣野, 就係派左menu 俾佢地都係冇乜用...

完左第一個service, 1 st group 就要去rest 啦! 而我今次就係 2 nd group, 通常 2 nd group 係比較得閒既, 但今次遇到呢個老總, 明明唔忙都變到好鬼忙呢! 

 明明好多客都訓哂, 點知老總冇啦啦自己拎左個snack basket 拍醒d 客問佢地食乜呀!!!!

佢搞乜鬼野呀?? 明明d 客訓得好地地, 點解要叫醒佢地喎?

 一去 snacks, cup noodles 就一定唔少得, serve 俾佢地唔係問題, 但d 客食完的處理方法就好唔掂! 

 其中有一group 越南人, 佢地食完個cup noodles, 將個d cup noodles 倒左係個toilet bowl 呀! 咁都算啦! 佢地仲要倒到成個地都係"油林林"

, 結果洗到我個同事癲左! 

 此外, 呢班機大部分人都係去完washroom 都唔沖廁架! 我去check washroom, 有個阿媽帶個仔去washroom, 佢地唔關門我都算, 但佢地去完, 竟然唔沖廁!!! 

 唔知點解, 我真係好憎人唔沖廁! 結果我要佢地沖!

雖然係咁, 但偶然我地同事都有d 時間chit chat 下既...今次的話題係結婚啊! 成班機的bc, 竟然有1 個都係今年結婚, 而有兩個就下年結婚呢! 而佢地都只係25,26, 咋! 其中一個仲只係同我差唔多, 真係勁喎! 以為佢地拍左好耐啦! 但原來只係拍左兩年... 

 anyway, 同人唔同命架啦! 對於呢方面我完全係前路茫茫呢!

忙完一大輪, 終於輪到我訓啦! 訓成4 個鐘, 訓醒的時候我仲覺得自己冇訓過! 

 到做第2 個service 時, 我開始覺得自己有d 唔妥, 覺得d 野好似轉下轉下, 於是當我同事拎d 野俾我的時候, 我就問佢係唔係架機搖得好緊要呀?? 佢話唔係呀! 唉, 個一刻我知道乜野事啦! 原來係我暈... 

 但我同自己講, 我要頂住呀! 做埋呢個service 就落機架啦! 我終於捱到, 仲死頂埋排山倒海的order, 最後我只可以接受一係俾credit card, 一係俾 exact amount of money 俾我的order, 因為做完第2 個service, 已經descent 啦, 我真係再冇時間搞咁多野...

班機大致上係咁上下, 雖然好忙, 好辛苦, 但見到d 乘客好開心, 仲好 appreciate 我的service 時, 我真係好開心!

 好似今日咁, 我個zone 有個客係 jet blue 既 crew 黎, 怇送左紀念品俾我地成set crew,

仲多謝埋我添, 個一刻真係好開心架! 

 而個袋紀念品, 我最鍾意就係呢個..