2006.06.05
今日番公司上堂呀! 悶爆!
都唔明點解公司冇啦啦整左個咁既 workshop 出黎要全世界輪住roster 番去上堂..但當上完呢個workshop, 我就知道點解, 又係公司扮到對我地好好的手法...
safety 同 service training 相比下, 我個人比較鍾意 safety 多d, 雖然上safety training 比上 service 既壓力大好多, 但safety training 起碼唔會悶到死先啦! 仲有最憎上 service training 要著 uniform, 同埋要化妝! 而家係夏天, 所以化完妝塊面真係會好辛苦, 好"立"的感覺, 呢排我番工已經冇乜點化妝啦! 但今日去番 service 個邊, 怕俾人話grooming 唔得, 搞到我今日花左好多時候搞個妝, 好耐冇認真咁化過妝啦! 上到行一行個妝, 搞到遲左上巴士, 好彩我坐左架特快...早左半個鐘到左公司.
同細佬食完個早餐, 上左 4 樓, 點知睇極都見唔到自己應該去邊個班房上, 後來先發現係個computer board 係搵唔到既, 原來係我的身邊, 一早已有塊板寫左應該去邊間room..搞到我差d 遲到, 當時4 樓仲有好多人, 有新入職的crew, 有 conversion 的crew, 有 train j-class 的crew, 又有 promotion 緊的crew, 多人到爆呀!
上午workshop 的部分係最悶, 因為好似聽書咁...講下點解我地有 profit, 但都冇profit sharing 囉! 唉, 個答案米就係 fuel cost 囉! 公司唔講, 我地全世界都知啦! 之後又話俾我地聽我地有乜野 uncertainty呀, 有乜野 competitors 呀...等等, 要我地 SSFTH (service straight from the heart)囉! 又話我地要 pround of being airline of the year...救命呀!
同事們講得無錯, 呢個workshop 係要洗我地腦...
今日勁早就放lunch, 成 11 點半放...我個肚都未餓, 都唔知點算好, 最後去左uniform secton 搞掂d 野, 先去獨自一個食野..
下午就冇咁悶, 但因為o岩o岩食完lunch的關係, 所以就勁眼訓, 好彩下午的節目係role play, 有成 17 個scenerio, 人人有份, 我第2 個俾個trainer 抽中, 要搞一個勁複雜, 麻煩, 同前所未有的 complaint, 最慘係trainer 扮演的客唔係 complain 我, 而係我另一位同事...呢個situation 真係有點兒難handle...我以前新入職時都未遇過呢個scenerio, 搞左一大輪, 終於搞掂!
下午就冇咁悶, 但因為o岩o岩食完lunch的關係, 所以就勁眼訓, 好彩下午的節目係role play, 有成 17 個scenerio, 人人有份, 我第2 個俾個trainer 抽中, 要搞一個勁複雜, 麻煩, 同前所未有的 complaint, 最慘係trainer 扮演的客唔係 complain 我, 而係我另一位同事...呢個situation 真係有點兒難handle...我以前新入職時都未遇過呢個scenerio, 搞左一大輪, 終於搞掂!
搞左成5 個鐘role play, 終於玩完, 到最後, 我先知原來今次上完呢個workshop 有張砂紙收, 又一公司哂錢傑作, 好心佢慳番d 俾我的profit sharing 啦!
仲要張紙上面得我個crew id, 而唔係我個全名, 咁有鬼用?
好眼訓, 要快d 番屋企...
p.s 雖然個workshop 係悶, 又係公司搞野之作, 但都有好的地方既, 至少今日我識多左一陣 handling passenger 的skill...
No comments:
Post a Comment