散心到澳門去 (Part 4)

2006.06.15

第九站 - 豬扒飽

去完令人失望的碼頭後, 我地兩個真係就快頂唔順, 唔想再行個隻, 如果唔係因為燈塔事件, 我地都唔會搞成咁...於是我建議去下附近既新八百伴的foodcourt 坐下抖下, 由於我地坐8 點船番香港, 而個時只係3 點幾4 點, 所以我地就要諗諗有乜野地方好去啦! 起初我地打算食葡國菜既, 點知好多都係呢個時間休市, 於是經我地一輪商議後, 我地決定去番新馬路...

到左之後, 我地打算去搵地方食豬扒飽同葡撻! 搵呀搵, 搵呀搵, 我地終於見到有間茶餐廳話自己d 豬扒飽出哂名, 咁好啦! 我地就入去試一試, 果然真係好好食, 仲有值得一提就係個杯奶茶好滑, 好好飲呀!!!

 後來玥係附近食左個葡撻, 滿足哂我地兩個的願望!

第十站 - 新八百伴
仲有成兩個鐘, 最舒服應該係番黎新八百伴啦!

 

我地勁冇野做, 咁我就提議去行我最鍾意的超級市場啦! 一諗起我就好興奮...hehe

 其實我細細個就好鍾意行超級市場, 貪佢夠多野睇! 仲要有d 可能會見到有d 新野架! 哈哈! 行下行下, 我見到我昨日飲過的柑香茶, 仲記得昨日行完住宅博物館, 口渴到死, 於是就係便行店買野, 點知俾我見到陽光牌子的柑香茶喎! 我仲以為係新出既, 後來個晚睇左黑摩里本旅遊書, 先知只係澳門出品咋! 既然係咁, 我當然要買左幾盒啦!

 唔知係我口渴定係點, 我覺得好好飲! 值得推介!

 由於我唔拎得太多重野, 所以最後我只係買左6包咋..

 

買完之後, 我發覺我有好幾個澳門的貨幣, 於是打算去八百伴內的熊貓樂園用埋去, 係咁多個遊戲中, 我揀左我最鍾意的賽車遊戲, 仲揀左玩頭文字D!哈哈!

 話時話, 我都好耐冇玩過啦! 所以真係水皮左好多呀!

 我玩到最後一盤時, 竟然有個小朋友要挑戰我喎! 最後我邊夠佢黎呀! 佢地兩個小朋友輪住咁打我一個...

 anyway, 用哂d 澳幣, 走得!

旅程已經到尾聲啦! 大家呢兩日雖然行得好辛苦, 但都玩得好開心...

最後我地又係船上面呼呼大睡...哈!

送俾你地睇多張夜景啦! 好靚啊!

 

後記: 呢兩日雖然我好開心咁去玩, 但無時無刻我都諗住一個問題...究竟應唔應該繼續下去呢? 這兩天, 每當我諗起你, 我只係諗到好多個要離開的理由, 睇黎, 真係時候要離開...始終朋友說得對, 除左有很多個要離開的理由外, 始終有d 野未放開, 就係未放開....