飛機阿叔

2006.06.03

第 175 次飛行

今日入到 briefing room 時, 我個人都好似仲未訓醒咁, 點知就係一封 complimentary letter, 成個人立即醒哂!

 差唔多要 briefing 的時候, PDE 的人忽然入黎叫左兩個名字, 其中一個係我, 但佢叫得太細聲啦, 聽到d 音好似係我個名, 但又唔敢企起身喎! 你地都知啦, 如果唔係我, 就好瘀!

 結果佢叫左幾次, 我確定左係我, 先起身..其實做左咁耐, 我inflight 收過唔少complimentary letter, 但從PDE 收到既, 今次係第一次, 有時我都唔明點解, 乘客寫過好幾封 complimentary letter 俾我, 點解我到左今日我先收到咁多封的其中一封呢? 咁n 年前個d 又去哂邊呢? anyway, 雖然同事成日都話你一係公司做錯野, 無論你有過幾多complimentary letter, 都係冇用, 而我都幾相信(因為聽過太多呢d case), 但對於自己黎講, 呢封信係對自己的一種鼓勵...

唔知大家睇到呢個topic, 會唔會有興趣想知道發生乜野事呢? 呢排"巴士阿叔"hit 到爆炸, 估唔到今日我的zone 亦出現左一個"飛機阿叔"!

 話說, 我地起飛前都會有 safety demo 播既, 呢個時候, 所有乘客都係坐番係自己個位, 同埋架 aircraft 一move, 所有手提電話都要熄左去, 就係呢兩樣野都進行期間, 我個zone有個戴住pink cap 既阿叔係度傾緊電話，仲要係好大聲個隻, 傾傾下, 佢周圍的乘客都叫佢唔好傾電話, 點知佢立即企起身鬧佢地...呢個時候, 有一位同事比我行得快, 上左去叫阿叔坐番低, 點知阿叔勁用佢d 國語鬧個位同事, 呢個時候, 我都上到去阿叔後面, 打算叫佢坐番低, 但因為呢個阿叔太激動, 所以個位同事叫我唔好同佢講, 因為同事怕佢一再激動, 動操時, 係阿叔後面的人俾佢到傷到...結果阿哥都出馬, 都叫佢唔掂, 最後全世界放棄左, 等佢自己發完癲, 坐番好...點知呢個時候, 佢周圍的乘客仲係度嘈! 最後我只好同佢地講: " 我地會懂得處理, 不用擔心..."

 而事件就咁過左一段落...

今日咁o岩又同classmates 飛, 但佢係日本人, 自從我train 完之後, 我都冇再見過佢啦! 哈哈! 今日見番佢, 佢同之前都冇乜分別..

 佢好好呀! 幫左做左好多sales..

 不過講開 sales 都有少少激氣, 其實今次的飛行時間好短, 做完service 之後, 做bar sales, 其實時間唔係好多, 而我就係最怕d 乘客問我d 產品,如果要用其他 currency要幾多錢, 因為我一定要用部machine 計, 所以process的時間特別長...

加上, 我又未必有咁多錢找俾佢地...e.g 有個乘客一見冇錢找就唔買那件產品, 遇到呢d 人, 我真係唔多理佢地,

因為(1)產品又唔係貴, (2) 我唔信冇人買那件產品 (最後我係賣左俾另一個客) ... 又有另一個乘客俾左成$200 euro 俾我, 但佢只係買 52 euro 的產品, 雖然佢話找乜野 currency 俾佢都得, 但要找港幣成千幾蚊呀! 點找呀?

結果我同另一位同事計得好辛苦, 仲要加埋自己係荷包嘔二百幾蚊找俾佢先夠的時候, 佢又話要簽credit card! 真係吹帳!

加上呢排成日落雨, 所以成日有氣流, 搞到我一邊"dun" 一邊做 service, 真係做到我出哂汗!

我同自己講, 快d 去到大板! 我要食日本野!