夜遊大板機場

2006.06.03

我地間hotel 同機場好近, 所以我一去到酒店, 換左便服, 就立即出去shopping!

 本來諗住今晚會冇乜時間shop, 點知同事話我知d 商店成 9 點半先關門, 所以有成一個幾鐘俾我, 以我行街極快的速度, 我一定搞得掂! 咁既話, 我明天就唔駛早d 起身, 可以訓多半個鐘啦!

大板機場裡面都幾多野睇, 幾多野食, 同幾多野行

今次我的戰利品就係 (1) 大板的白之戀人(因為個樣真係好似), (2) 一盒一口cheese cake & choco cake, 見到個樣幾好食咁, 所以又買左... (3) 久遺了的雞仔餅 (好耐之前, 有位朋友買過俾我, 我係大板搵唔到, 但今次終於俾我見到啦!

), (4) 就係一支hello kitty 筆! 呢支筆我真係揀左好耐, 起初我係諗住買key chain 既, 但因為諗起買左番去都冇用, 所以打算買筆, 但筆有太多的款式啦! 又"京都限定", "xx 限定" 咁, 支支都鬼咁死靚, 上次就係因為揀唔到, 所以先冇買, 但今次我同自己講, 點都要買番支!!!!

 結果...我買左一支...(唔記得係乜乜限定啦!) 但我覺得比我想像中平左d, 只係港幣 30-40蚊...

買完手信後, 我就去左機場的convenience store 買自己的dinner 同明天的breakfast!

 今晚的dinner 又係我最鍾意食的冷麵

, 我仲買左呢期開始鍾意食的飯糰!

 買左上次classmates comment 的tuna, 點知睇睇下, 見到有ikura 喎, 係我最鍾意的三文魚子呀! 係就係貴左少少, 但真係忍唔住買左落黎!

 再買埋鮮奶, 就番歸啦!

番到酒店, 就梗係沖個靚涼, 同慢慢享受呢一頓晚餐啦! 我覺得做完班機最開心就係一個人好好地享受個成果!