無能為力

2006.06.28

第179 次飛行

番黎呢程, 轉左aircraft, 唔駛再對住架346, 少成30 個j-class pax, 真係差好遠...

 不過呢班機發生一件小事, 好想同大家 share...

話說第一group rest 的時候 (即係我on duty 的時候), 我同紫姐無所事事之際, 忽然有個外國人入左黎galley, 佢個樣忽然間好惡咁講:"我訓唔到, 因為我隔離那個人鼻鼾聲太嘈, 令我訓唔到! 麻煩你地諗d辦法!" 其實呢位外國人已經戴左耳塞架啦! 而呢位外國人去完洗手間就番埋佢個位...佢走左之後, 紫姐就話...呢d 我地控制唔到架喎! 唯一我地諗到既, 就係行埋去有鼻鼾的男人身邊, 拍一拍佢, 等佢醒dd, 咁d 鼻鼾聲會好d...但個客始終都會番訓番麻! 到時候, d 鼻鼾聲又番番黎...

 冇耐, 就到我同紫姐休息的時候啦! 我地休息完番黎, 紅姐就講左之後發生既野俾我地聽...話說個客又再走入黎, 又投訴佢隔離個客鼻鼾大聲到佢訓唔到...咁紅姐就同佢講我地已經成日行埋個客度輕拍佢, 等佢唔好訓得太lum, 但那個外國人話:"你地要叫醒佢.." 嘩...我地心諗, 如果我地真係叫醒左個客, 就大鑊啦!

 個外國人仲話: " 你地根本未解決到個問題.." 唉...究竟佢想我地點解決呀? 叫醒個客, 一定死緊...唯一我地做到既就係叫個外國人戴耳塞, 戴埋個幾隔音既handset...最後要老總出馬, 同個客講, 呢d 野, 我地真係控制唔到...結果, 個外國人漸漸冇事...唉..其實遇到呢d 情況, 我地真係束手無策...呢..........

呢單鼻鼾事件, 令我諗番起一d 空服都控制唔到, 但又嘗試去改善情況的事...

第一樣我記起就係體臭, 腳臭事件...試過有幾次long flight, 都有乘客有腳臭or 體臭, 呢d 野, 其實冇人想既, 我相信當事人都係咁諗...但往往都有其他乘客同我地投訴...有時我會諗, 人地體臭, 腳臭, 點解結果係其他乘客黎投訴我地呢? 似乎我地都係受害者喎!

 唯一我地可以做既係, 係咁噴空氣清新劑, 亦試過要求個客著對襪...有次, 我地為左要個客著對襪, 我地特登整濕個地下, 再同個客講, 我地唔小心整濕左張地墊, 所以麻煩佢著對襪(當然係我地provide 俾個客啦!)...

 

另外我諗到既, 亦都係常見的問題, 就係做service 時, 好多時客人因為前面的椅背拉得太低, 而令後面的客人食野時的空間窄左, 好多時做service, d 客都叫我叫前面的客人拉直椅背...但講真, 我同人地講左, 人地唔拉番直我都冇辦法...

 試過有一次, 我叫個客拉宜椅背, 佢幾衰! 明知我叫佢咁做, 佢更加要拉低d, 好彩個次唔係 full load 機, 後面的客人隔離個位係冇人坐, 咁我就同後面的客人講唔好意思, 問佢介唔介意將個tray 放係隔離位食...不過話時話..冇話一定要拉直椅背, 每位客人都有佢地的選擇, 但我覺得佢地應該將心比己啦!!

所以...唔好以為空服係超人先得架! 空服都有解決唔到問題的時候啊!