死去活來! (起飛後)

2006.06.07

第 176 次飛行

航機終於起飛啦!

 點知呢個先係開始!

 其實美國呢個country 都幾煩, especially 派landing card 呢個部分, 因為只有美國公民, 加拿大人, 同有綠卡的人唔需要填landing form, 其他人都要, 同埋人人都要填custom form, 但就可以一個家庭一張...所以要逐個問佢地係有乜野passport, 又要問佢地係唔係同一家人, 但佢地就成日十問九唔應個隻, 真係講到我口水都乾...

派完landing card, 以為可以安安心心做service 啦! 點知...老總打個call 黎, 叫我地去cabin check 每一個客的video play 緊的movie 有冇問題...救命呀! 成差唔多200 個客, 點逐個check?

最後我地只係check 睇緊movie 個d客...點知冇耐, 老總都打個電話落黎, 叫我地同逐個客解釋因為d movie 有問題,所以d 客成日睇左冇耐, 老總會reset, 由頭播過, 唉...搞到我地又要逐個逐個客解釋... 但最搞笑係, 我地睇到d 客係睇movie 睇得好開心, 係完全冇問題既, 係冇啦啦俾老總cut 哂d video 再播過囉!  

 搞左一大輪, 終於可以做service 啦!

成程機, 有差唔多成一半時間, 我地的機都經過不穩定的氣流...但最慘都睇怕係collection 的時候, 大家都勁忙, 我的cart 搖得好勁, 真係有d 驚個cart 會"lum"...

 呢個時候, 另一位同事出左黎cabin, 係咁叫我, "xxx, 唔好收住啦! 番去galley先啦!" 但我見仲有幾個未收, 最後都係收埋先..

 番到入galley, 感覺上好混亂, 因為captain 講:"cabin crew, please take your seat." 但我地take a seat 之前, 要 sesure 哂所有野...由於我係坐係galley 的crew seat, 所以唔理點都好, 都要清哂我個位周圍的東西...忽然間, 我覺得今次成個galley 的同事都好合拍..

 但架機真係搖得好勁, 所以最後我同阿哥清哂我地座位周圍的地方, 就坐低...其實的東西就冇理到啦...就算我地想sercure 埋都冇用, 因為我地根本冇能力行到去galley 的中間...可想而知, 氣流有幾勁呢!

終於所有service 都搞掂哂, 我又要賣bar 啦! 就係呢個時候, 老總搵我, 問我拎 voucher同gift card, 仲要係大量, 我心知不妙..

 因為要親voucher 都唔係好野, 通常都係inflight 有問題, or 有 complaint , 就會需要用到呢樣野..於是我就成份拎左俾老總, 老總問我, 我d 貨夠唔夠賣俾39 個客? 唉, 我點知喎...

anyway, 經我同前面商務同頭等的同事打探後, 我終於知點解要出voucher 俾客啦! 亦知點解頭先老總係咁reset d video, 原來頭等同商務的video 都完全唔work, 我心諗, 好彩經濟客艙個邊冇問題者, 唔係我就死囉!

 最後我知道老總俾左商務的客一人兩張 voucher, 成 50 美金架! 而頭等就俾佢地揀禮品...我諗起商務的客一人兩張voucher, 就知一陣我賣bar 一定忙到死, 最慘係, 得個忙字, 忙完得個吉! 因為voucher 的額係唔會計係你的sales amount 度架! 亦即係個部分的額係唔會有commission, 所以先有咁多同事唔鍾意做voucher 的生意...

搞完一大輪, 以為可以休息一下, 點知老總叫我地去下d snacks, 我記得breifing 佢講過, 佢唔淮有 snacks 剩番...唉...好彩老總係打電話落黎同我講, 我地有冇做佢都唔知, 其實夜機, 好多客都訓左, 有d 客press call light要drink, 我都順便俾d snacks 佢地, 但佢地都唔食, 所以結果我叫其他同事唔好去啦, 訓哂, 去黎都冇用...

我只係休息左一輪, 想不到有件嚴重的事將會發生...

待績...